रस्ते खोदकामामुळे पावसाळ्यात खारघर मध्ये ‘वाहतुक कोंडी'ची शक्यता
‘मतदार जोडो पदयात्रा'स नागरिकांचा उत्स्फूर्त प्रतिसाद
ठाणे : लोकशाही बळकटीकरणामध्ये मतदारांचा सक्रिय सहभाग असणे अत्यंत आवश्यक असून, प्रत्येक मतदाराने मतदान करावे यासाठी १० मे रोजी ठाणे शहरातील हिरानंदानी इस्टेट परिसरात मतदार जोडो पदयात्राचे आयोजन करण्यात आले होते.
२५-ठाणे लोकसभा मतदार संघअंतर्गत, १४८-ठाणे विधानसभा मतदारसंघ सहाय्यक निवडणूक निर्णय अधिकारी उर्मिला पाटील यांच्या मार्गदर्शनाखाली मतदार जनजागृतीवर भर देण्यात येत आहे.
ठाणे शहरातील हिरानंदानी इस्टेट परिसरात १४८-विधानसभा मतदारसंघ स्वीप पथक मधील कर्मचाऱ्यांनी मोठ्या उत्साहात मॅस्कॉट या मनोरंजक कार्टून पात्राला सोबत घेऊन ‘मतदान करा,मतदान करा लोकशाहीचा विजय करा आणि २० मे को सब काम छोडो मतदान करो' या घोषणा मोठ्या आवाजात देऊन मतदान जनजागृतीचे संदेश नागरिकांनी दिले.
संपूर्ण हिरानंदानी इस्टेट परिसरात ‘मॅस्कॉट'च्या माध्यमातून नागरिकांचे मनोरंजन करत उपस्थित नागरिकांना मतदानाचे महत्व पटवून देवून येत्या लोकसभा निवडणुकीत सर्व मतदारांनी घराबाहेर पडून जास्तीत जास्त मतदान करुन मतदानाचा हक्क बजावावा, असे आवाहन यावेळी नागरिकांना करण्यात आले.
यावेळी रस्त्याच्या दुतर्फा बाजूकडील नागरिक, व्यावसायिक, फळ, भाजी विक्रेते या मतदार लोकांना या रॅलीतून मतदान करण्यासाठी जागृती करण्यात आली. या कार्यक्रमात रॅलीमधील मॅस्कॉट सोबत स्वीप कर्मचारी जनजागृती करीत असल्याचे पाहून मतदारांमध्ये एक प्रकारचा उत्साह निर्माण झाला होता.
‘मी मतदान करणारच, आपणही आपल्या मतदानासाठी सज्ज रहा', या आशयाचे मजकूर असलेले आणि त्यावर मतदान दिनांक २० मे २०२४ असे दर्शवणारे माहितीपत्रकाचेही वाटप मॅस्कॉटच्या हस्ते सर्व नागरिकांना करण्यात आले आणि लोकशाहीच्या उत्सवात मतदानाच्या दिवशी देशाच्या भविष्यासाठी मतदानाचा हक्क बजावून लोकशाही बळकट करावी, मतदारांनी कोणत्याही अमिषाला बळी पडू नये आणि सर्वानी न चुकता २० मे २०२४ रोजी अवश्य मतदान करावे, असे आवाहान यावेळी सर्व नागरिकांना करण्यात आले.
