‘राष्ट्रवादी'ची वृत्तपत्र विक्रेत्यांसोबत दिवाळी साजरी
ठाणे : राष्ट्रवादी काँग्रेस पक्षाने (शरदचंद्र पवार गट) डॉ. जितेंद्र आव्हाड यांच्या मार्गदर्शनाखाली ठाणे स्टेशनवर वृत्तपत्र विक्रेत्यांसोबत दिवाळी साजरी करण्यात आली. ठाणे जिल्हा अध्यक्ष मनोज प्रधान आणि त्यांच्या टीमच्या नेतृत्वाखाली सदर उपक्रम ठाणे स्टेशनजवळील वृत्तपत्र डेपोमध्ये राबविण्यात आला. यावेळी ठाणे जिल्हा वृत्तपत्र विक्रेते संघटनेचे अध्यक्ष कैलास म्हापदी आणि सरचिटणीस अजित पाटील उपस्थित होते.
देशभरातील बातम्या सामान्य लोकांपर्यंत पोहोचवण्यासाठी दररोज सकाळी लवकर उठून वृत्तपत्र विक्रेते समाजात महत्त्वाची भूमिका बजावतात. त्यांच्या दुर्लक्षित योगदानाची दखल घेत, मनोज प्रधान यांनी सकाळी डेपोला भेट देऊन विक्रेत्यांना पारंपारिक दिवाळी मिठाई (फराळ) वाटली.
या समारंभात प्रधान यांनी वृत्तपत्र विक्रेत्यांच्या समर्पणाबद्दल आदर आणि कौतुक व्यक्त केले. तसेच समाजातील प्रत्येक घटकाला ओळखून त्यांना उत्सवात सहभागी करुन घेण्याचे महत्त्व अधोरेखित केले. राष्ट्रवादी काँग्रेस पक्ष (शरद पवार गट) नेहमीच वृत्तपत्र विक्रेत्यांसारख्या तळागाळातील कार्यकर्त्यांसोबत एकजुटीने उभा राहील, यावर त्यांनी भर दिला.
‘असोसिएशन'चे अध्यक्ष कैलास म्हापदी यांनी मनोज प्रधान यांचे आभार मानले. या कार्यक्रमास राजेश कदम (जिल्हा अध्यक्ष, राष्ट्रवादी युवक काँग्रेस), रचना वैद्य (प्रवक्ते, महाराष्ट्र), मकसूद खान (सरचिटणीस, महाराष्ट्र), अभिजीत पवार, मयूर पाटील आणि इक्बाल शेख यांच्यासह अनेक नेते उपस्थित होते.
