उरण मार्गावर ‘एनएमएमटी ई' बस सुविधा
उरण : कोपरखैरणे-उरण एनएमएमटी बस मार्गावर विद्युत बस सुरु करण्याची या मार्गावरील प्रवाशांच्या मागणीची दखल घेऊन नवी मुंबई महापालिका परिवहन उपव्रÀम (एनएमएमटी) व्यवस्थापकांनी उरण ते कोपरखैरणे या मार्गावर विद्युत एनएमएमटी बस सेवा सुरु केली आहे. त्यामुळे ऐन उन्हाळ्यात उकाड्याने त्रस्त झालेल्या प्रवाशांना काहीसा दिलासा मिळाला आहे.
उरण ते नेरुळ/बेलापूर दरम्यान रेल्वे लोकल सेवा सुरु झालीं असली तरी अनेक प्रवासी एनएमएमटी बस मधून प्रवास करीत आहेत. त्यामुळे एनएमएमटी बस मधून प्रवास करणाऱ्या प्रवाशांची संख्या वाढू लागली आहे. मात्र, उरणमध्ये येणाऱ्या एनएमएमटी बस नादुरुस्त आणि जुन्या असल्याने प्रवाशांना त्रास सहन करावा लागत आहे. उरण-कोपरखैरणे आणि उरण-कळंबोली या दोन एनएमएमटी बस मार्गावर उरण मधील प्रवाशी प्रवास करीत आहेत. उरण-कोपरखैरणे आणि उरण-कळंबोली या दोन मार्गावर सोडण्यात येणाऱ्या एनएमएमटी बसेसची दुरवस्था झालेली आहे. अनेक बसचा खडखड आवाज होणे आणि बसच्या काचा न लागणे आदी समस्या आहेत. एनएमएमटी बस सेवा उरणमधील महिला,जेष्ठ नागरिक आणि विशेषतः नवी मुंबई मध्ये शिक्षण घेणाऱ्या विद्यार्थी-विद्यार्थिनींसाठी फायदेशीर, महत्वाची सेवा ठरत आहे. काही महिने बंद असलेली एनएमएमटी बस सेवा पूर्ववत सुरु करण्यात आली आहे. मात्र, एनएमएमटी बसची संख्या अपुरी आहे. त्यामुळेही प्रवाशांना अपुऱ्या एनएमएमटी बस सेवेचा त्रास सहन करावा लागत आहे. उरण मार्गावरील एनएमएमटी बस संख्येत वाढ करण्यासह विद्युत बस सेवा सुरु करण्यात यावी, अशी मागणी उरणमधील प्रवाशांनी नवी मुंबई महापालिका आयुक्त, परिवहन उपव्रÀम व्यवस्थापक यांच्याकडे निवेदनाद्वारे केली होती. या मागणीचा पाठपुरावा प्रवाशांनी केल्यानंतर उरण-कोपरखैरणे आणि उरण-कळंबोली या मार्गावर एनएमएमटी विद्युत बस सेवा सुरु करण्यात आली आहे.
दरम्यान, जुईनगर ते कोप्रोली, वशेणी एनएमएमटी विद्युत बस सेवा पुन्हा सुरु करण्याची मागणी उरण मधील सामाजिक संस्था आणि नागरिकांनी केली आहे.
