खेळाडुंना दर्जेदार सुविधा देण्यासाठी प्रशासन प्रयत्नशील -जिल्हाधिकारी पांचाळ
ठाणे : ठाणे जिल्ह्यातील खेळाडुंंसाठी दर्जेदार सुविधा देण्यासाठी प्रशासन सदैव प्रयत्नशील आहे, अशी माहिती जिल्हाधिकारी डॉ. श्रीकृष्ण पांचाळ यांनी दिली.
ठाणे जिल्हाधिकारी कार्यालयातील समिती सभागृहात आयोजित राष्ट्रीय क्रीडा दिनानिमित्त जिल्ह्यातील पुरस्कार प्राप्त खेळाडुंच्या सन्मान सोहळ्यात जिल्हाधिकारी डॉ. पांचाळ बोलत होते. यावेळी जिल्हा क्रीडा अधिकारी सुवर्णा बारटक्के, पुरस्कार प्राप्त खेळाडू आणि त्यांचे नातेवाईक उपस्थित होते.
खेळाडुंना प्रोत्साहन देण्यात यावे. जिल्ह्यातील खेळाडुंसाठी ज्या प्रकारच्या सोयी सुविधा उपलब्ध आहेत, त्यामध्ये वाढ होणे आवश्यक आहे. खेळाडुंचा कल पाहून त्यांना सर्व प्रकारच्या सोयी-सुविधा पुरविण्यात येतील. जिल्ह्यातील खेळाडुंबरोबर संवाद साधण्यासाठी विशेष कार्यक्रमाचे आयोजित करण्यात येणार आहे. यामध्ये उल्लेखनीय कामगिरी केलेल्या खेळाडुंची नोंदणी करावी. ग्रामीण भागातील तालुका क्रीडा संकुलामध्ये सर्व सुविधा उपलब्ध करुन देण्यात याव्यात. खेळाडुंना शासकीय सेवेत सुध्दा प्राधान्य देण्यात येते, असे जिल्हाधिकारी डॉ. श्रीकृष्ण पांचाळ म्हणाले.
यावेळी जिल्हाधिकारी डॉ. श्रीकृष्ण पांचाळ यांच्या हस्ते पुरस्कार प्राप्त खेळाडुंचा सन्मान करण्यात आला.
पवन मुकुंद भोईर (जिम्नॅस्टिक्स), संयुक्त प्रसेन काळे (रिदमिक जिम्नॅस्टिक्स), आर्यन भालचंद्र जोशी (बुध्दीबळ), धर्मेंद्रकुमार यादव (पॉवर लिािंपटग), उदय उमेश उतेकर (जलतरण वॉटरपोलो), अपूर्वा महेश पाटील (ज्युदो), अजित कारभारी, शौर्या आंबुरे (मैदानी खेळ-हर्डल्स), शरद कुलकर्णी जेष्ठ गिर्यारोहक यांचा जिल्हाधिकारी पांचाळ यांच्या हस्ते शाल, ट्रॉफी देवून सन्मान करण्यात आला.
यावेळी पुरस्कार प्राप्त खेळाडुंनी आपले मनोगत व्यक्त केले.
