नमुंमपा आयुक्तांची सायकलवरुन स्वच्छता पाहणी
नवी मुंबई : स्वच्छतेमधील नवी मुंबई शहराचे मानांकन उंचावण्यासाठी विविध मोहिमा, उपक्रम राबवित सर्व स्तरावरुन प्रयत्न केले जात असताना महापालिका आयुक्त डॉ. कैलास शिंदे यांच्या मार्गदर्शनानुसार नुकत्याच आठही विभागांमध्ये महामार्ग, मुख्य रस्ते, वर्दळीची ठिकाणे, दुर्लक्षित जागा याठिकाणी सखोल स्वच्छता मोहीम राबविण्यात आल्या. या मोहिमेंतर्गत रस्ते, पदपथ, दुभाजक यांच्या कडेला जमा झालेली माती गोळा करुन हवेतील धुळीचे प्रमाण कमी करण्याकडे विशेष लक्ष देण्यात आले. या अनुषंगाने महापालिका आयुक्त डॉ. कैलास शिंदे यांनी प्रत्यक्ष फिल्डवर उतरुन पाहणी करण्यास सुरुवात केली असून ३० जानेवारी रोजी त्यांनी ऐरोली विभागातील मुख्य रस्ते आणि प्रामुख्याने एमआयडीसी भागातील रस्ते तसेच स्वच्छता, डेब्रीज, दुभाजक, आयलँड, रस्त्याच्या साईडपट्ट्या अशा विविध बाबींची पाहणी केली. विशेष म्हणजे सदर पाहणी आयुवतांनी सायकलवरुन केली.
याप्रसंगी आयुवतांसमवेत शहर अभियंता शिरीष आरदवाड, परिमंडळ-२ चे उपायुक्त डॉ. कैलास गायकवाड, घनकचरा व्यवस्थापन विभाग परिमंडळ-२ चे उपायुक्त संतोष वारुळे, ऐरोली विभागाचे सहा.आयुक्त अंकुश जाधव, कार्यकारी अभियंता मदन वाघचौडे, मनोहर सोनावणे, प्रवीण गाडे आणि इतर अधिकारी उपस्थित होते.
दरम्यान, चारचाकी गाडीने जाताना वेगामुळे काही वेळा प्रत्यक्ष स्थितीचा अंदाज येत नाही. त्यामुळे सायकलसारखे पर्यावरणपूरक वाहन वापरुन शहरातील स्थितीचा आयुक्त कार्यालयीन वेळीच्या आधी सकाळी लवकरच नियमित आढावा घ्ोत असतात. ३० जानेवारी रोजी त्यांनी अधिकाऱ्यांना घ्ोऊन कोणत्या भागाची पाहणी करणार याची पूर्वकल्पना न देता ऐनवेळी ऐरोली भागाची पाहणी केली.
सेक्टर-५ येथील टी-जंक्शन पासून सुरुवात करीत अंडरपास खालून डॉ. बाबासाहेब आंबेडकरनगर परिसर, राजर्षी छत्रपती शाहू महाराज शाळा आणि एमआयडीसी रोडने ऐरोलीपर्यंतच्या पाहणी दौऱ्यात ठिकठिकाणी थांबत आयुक्त डॉ. कैलास शिंदे यांनी मौलिक सूचना केल्या. शाळा परिसर तसेच अंतर्गत भागातील परिसर स्वच्छ आणि नीटनेटका असावा, तसेच तेथील सुविधांबाबत त्यांनी निर्देश दिले.
परिसर स्वच्छतेप्रमाणेच नागरिकांना चालण्यासाठी पदपथ रिकामे असावेत. पदपथांवरील अतिक्रमण काढावे, बांधकामे सुरु आहेत अशा ठिकाणी डेब्रीजची वाहतूक महापालिकेच्या घनकचरा व्यवस्थापन प्रकल्पस्थळी बांधकाम व्यवसायिकाकडूनच करुन घ्ोण्यात यावी. भिंतींवरील भेगांमध्ये अथवा पदपथांच्या कडेला उगवलेली छोटी रोपे लगेचच काढून टाकावीत. तसेच ज्याठिकाणी शिल्पाकृती उभारलेल्या आहेत, अशा ठिकाणचे सुशोभिकरण व्यवस्थित करुन घ्यावे. काटईकडे जाणाऱ्या उड्डाणपुलाखाली एमआयडीसी रोडच्या दोन्ही कॉर्नरला बांबू आणि इतर देशी वृक्षारोपांची लागवड करावी, अशा सूचना आयुक्त डॉ. शिंदे यांनी दिल्या.
दरम्यान, एमआयडीसी भागातील रस्त्याचा दुभाजकामधील हिरवळीची आणि छोट्या झाडांची दूरवस्था पाहून नाराजी व्यक्त करीत आयुक्तांनी त्यामध्ये त्वरित सुधारणा करण्याचे निर्देश संबधितांना दिले.
शहरातील मुख्य रस्ते आपल्या शहराचा आरसा असून खड्डेमुक्त रस्त्यांसाठी आवश्यक तेथे सुधारणा तसेच त्यावरील माती उचलून हवा गुणवत्तेत सुधारणा करणे. स्वच्छता आणि सुशोभिकरण याला आपले प्राधान्य असले पाहिजे. केवळ पाहणी केलेल्या भागाची नाही तर शहरातील सर्वच भागांची दिलेल्या सुचनांनुसार सुधारणा तत्परतेने हाती घ्यावी.
-डॉ. कैलास शिंदे, आयुवत-नवी मुंबई महापालिका.
