खारघरमध्ये राहणा-या नायझेरिअन नागरिकांची माहिती उपलब्ध करून द्या - बीजेपी
खारघर: खारघर परिसरात किती नायझेरियन नागरिक वास्तव्य करीत आहे. भाड्याने राहत असल्यास भाडे करार पत्र आणि तसेच ते कोणता व्यवसाय करतात याची माहिती देण्यात यावी अश्या मागणीचे निवेदन भाजपच्या शिष्टमंडळाने खारघर पोलिसांना दिले आहे. या शिष्टमंडळात नगरसेवक रामजीं बेरा, शत्रुघ्न काकडे, भाजपचे शहर अध्यक्ष ब्रिजेश पटेल, शहर चिटणीस दीपक शिंदे, कीर्ती नवघरे, अमर उपाध्याय आणि काही भाजपचे कार्यकर्ते उपस्थित होते.
खारघर परिसरात गेल्या काही दिवसापासून नायझेरियन नागरिकांचा वावर वाढला आहे. सदर नागरिक हे रात्री उशिरापर्यंत वाहनाने ये जा करत असतात. एकंदरीत त्यांची वागणूक शंकेला वाव करून देणारी असून येते. विशेषतः सेक्टर 12 मधील ए आणि बी टाईप मध्ये काही नायझेरियन नागरिक नागरिकांची संख्या वाढत आहे. त्यामुळे सदर नागरिक कुठे राहतात, कोणता व्यवसाय करतात. भाड्याने राहत असल्यास भाडे करार तसेच ते अधिकृत वास्तव्य करीत आहेत कि अनधिकृत या विषयी सर्व चौकशी करून माहिती उपलब्ध करून द्यावी अशी मागणी शिष्टमंडळाने खारघर पोलिसांकडे केली आहे.
