उरण मध्ये उन्हाळी शिबीर द्वारे मुलांनी दिले महत्वाचे संदेश
उरण : जिल्हा क्रीडा अधिकारी कार्यालय रायगड अंतर्गत उरण येथे दिनांक 12 मे ते 21 मे 2022 दरम्यान चालू असलेल्या फुटबॉल खेळाचे उन्हाळी प्रशिक्षण शिबीरामध्ये शुक्रवार ( दि. २० ) रोजी उरण शहराच्या जवळ असलेल्या द्रोणागिरी डोंगरावर ट्रेकिंगचा कार्यक्रम घेण्यात आला असून त्याच्यात भाग घेतलेल्या सर्व पालक व विद्यार्थ्यांनी सर्वांना पोस्टर द्वारे विश्व हिताचे महत्वपूर्ण संदेश दिले आहे. प्रत्येकाने रोजच्या दिनचर्यामध्ये प्लास्टिकचा वापर टाळणे हे खूप गरजेचे आहे व प्राणी व विश्व पर्यावरण हिताचे आहे. रायगड जिल्हा क्रीडा अधिकारी रवींद्र नाईक व सचिन निकम ह्यांच्या मार्गदर्शनाखाली क्रीडा शिक्षक व सेव्हेन स्टार फुटबॉल अकॅडेमी उरणचे फुटबॉल प्रशिक्षक प्रवीण तोगरे, नंदिनी प्रवीण तोगरे व समस्त विद्यार्थी व पालकांनी मिळून हा उपक्रम द्रोणागिरी डोंगरावर आज सकाळी साफ सफाई करून सफलता पूर्वक राबविला.
