आप नवी मुंबई तर्फे महामानव डॉक्टर बाबासाहेब आंबेडकर जयंती उत्साहात साजरी
आप नवी मुंबई तर्फे महामानव डॉक्टर बाबासाहेब आंबेडकर जयंती उत्साहात साजरी
आप - नवी मुंबईत सामील झालेल्या नवीन कार्यकर्त्यांचा पक्ष प्रवेश
कोपरखैरणे : आपल्या देशातील गरिबांच्या मुलांना, बाबासाहेबांच्या, संविधानाप्रमाणे खऱ्या अर्थाने उत्कृष्ट शिक्षणाचा हक्क दिल्ली मध्ये प्रस्तापित करून दाखवणारी, आम आदमी पार्टी हि, तरुण, तडफदार, सुशिक्षित, सुसंस्कृत, कट्टर देशप्रेमी, कट्टर इमानदार, धर्मनिरपेक्ष आणि बाबासाहेबांनी आपल्या देशासाठी लिहिलेल्या संविधानावरच विश्वास ठेवणाऱ्या, संपूर्ण व्यवस्था परिवर्तनाचा ध्यास घेतलेल्या सामान्य नागरिकांचे एक संघटन आहे.
गुरुवार तारीख १४ एप्रिल रोजी, आप नवी मुंबई तर्फे, दरवर्षी प्रमाणे संविधानकार महामानव डॉक्टर बाबासाहेब आंबेडकर ह्यांची जयंती, बाबा तेरा सपना अधुरा-केजरीवाल करेगा पुरा अशा घोषणा देत, नवी मुंबईतील वेगवेगळ्या ठिकाणी उत्साहात साजरी करण्यात आली.
कोपरखैरणे येथे सुमित कोटियन (वॉर्ड ३८ अध्यक्ष आणि युवा नेते), अभिषेक पांडे (वॉर्ड ३७ अध्यक्ष आणि युवा नेते) आणि श्रीमती नीना जोहरी (वॉर्ड ४२ अध्यक्ष आणि महिला नेत्या) ह्यांच्या नेतृत्वाखाली कोपरखैरणे जनसंपर्क कार्यालय येथे अभिवादन सोहळा साजरा करण्यात आला.
ह्या प्रसंगी आप पंजाब विधानसभे च्या शानदार विजयानंतर मोठ्या संख्येने आप-नवी मुंबईत सामील झालेल्या नवीन कार्यकर्त्यांचा पक्ष प्रवेश देखील करण्यात आला. ह्यात ऐरोली येथून, सेवानिवृत्त लेबर कमिशनर देवराम सूर्यवंशी, साबळे आणि दिघा येथील शिवसेना नेते सुनील पाटोळे, घणसोली येथून अनिल जाधव, नेरुळ येथून दीपक भोसले आणि इतर नागरिकांचा समावेश होता.
ह्या नंतर तुर्भे नाका येथे, सुनील जाधव (वॉर्ड ७१ अध्यक्ष आणि युवा नेते) आणि राहुल मेहरोलिया (वॉर्ड अध्यक्ष ) ह्यांच्या नेतृत्वा खाली रॅली आयोजित करण्यात आली.
त्या नंतर आप नवी मुंबईच्या टीम ने, उपाध्यक्ष प्रीती शिंदेकर, डॉक्टर मिलिंद तांबे (वॉर्ड ७१ अध्यक्ष आणि युवा नेते) आणि श्रीमती मानसी पवार - ऐरोली विभाग अध्यक्ष ह्यांच्या नेतृत्वा खाली ऐरोली येथील बाबासाहेब स्मारकास सदिच्छा भेट दिली.
