आर टी ई अंतर्गत प्रवेश देण्यास डी ए व्हि शाळेची टाळाटाळ ?
नवी मुंबई-:आर.टी.ई २५ % अंतर्गत विद्यार्थ्यांना प्रवेश देण्यास मधील डी ए व्ही शाळा टाळाटाळ करत आहे. त्यामुळे या शाळेला जाब विचारून प्रवेशाची अंमलबजावणी करावी अशी मागणी सिवूड शिवसेना शाखाप्रमुख विशाल विचारे यांनी मनपा शिक्षण अधिकाऱ्यांकडे केली आहे
बालकांचा मोफत व सक्तीचा शिक्षणाचा अधिकार अधिनियम २००९ नुसार राज्यातील शाळांमध्ये ( सी.बी.एस.ई.) वंचित व दुर्बल घटकातील विद्यार्थ्यांना इयत्ता १ ली किंवा पूर्व प्राथमिक वर्गातील २५ % जागा राखीव ठेवण्याची तरतूद आहे . मात्र नेरुळ सेक्टर ४८,सिवूड मधील डि.ए.व्ही. पब्लिक स्कूलने (सी.बी.एस.ई) विद्यार्थ्यांना आर टी ई अंतर्गत प्रवेश देण्यासाठी पालकांना नकार देत आहे . शाळेमध्ये पालकांमार्फत आर ती ई ची सर्व प्रवेश प्रक्रिया पूर्व करून गेले असता त्यांना विविध कारणे सांगून तुम्हाला प्रवेश मिळणार नाही असे उतरत शाळा प्रशासनामार्फत देण्यात येत आहे. आर टी ई अंतर्गत विद्यार्थ्यांना प्रवेश मिळणे हा त्यांचा अधिकार व हक्क आहे परंतु तसे न होता महाराष्ट्र शासनाने दिलेल्या सूचनांचे पालन सदर शाळेमार्फत केले जात नाही असे दिसून आहे .त्यामुळे सदर प्रकरणी मनपा शिक्षण अधिकाऱ्यांनी वैयक्तिक लक्ष देत शाळेस लेखी पत्र व्यवहार करुन जाब विचारावा व पालक व विद्यार्थी यांना कोणत्याही प्रकारे त्रास होऊ न देता आर टी ई विद्यार्थ्यांना लवकरात लवकर प्रवेश करून घ्यावेत असे सूचित करावे अशी मागणी सिवूडचे शिवसेना शाखाप्रमुख विशाल विचारे यांनी केली आहे.
