सीबीडीतील सुनिल बारवर छापा, बारबालासह 9 जणांवर कारवाई
नवी मुंबई : रात्री उशीरापर्यंत सुरु असलेल्या सीबीडीतील आग्रोळी गाव येथील सुनिल बारवर सीबीडी पोलिसांनी शुक्रवारी रात्री छापा मारुन महिला वेटरसह बारचा मॅनेजर आणि 2 वेटर अशा एकूण 9 जणांना ताब्यात घेण्याची कारवाई केली. सदर बार हा ठरवून दिलेल्या वेळेपेक्षा अधिकवेळ सुरु असल्याचे तसेच बार मधील महिला वेटर या अश्लिल हावभाव व अंगविक्षेप करुन ग्राहकांना आकर्षीत करताना आढळुन आल्याने सदर बारवर कारवाई करण्यात आल्याचे पोलिसांनी सांगितले.
सीबीडीतील सुनिल बार हा ठरवुन दिलेल्या वेळेपेक्षा अधिक वेळ सुरु असल्याची माहिती सीबीडी पोलिसांना मिळाली होती. त्यानुसार सीबीडी पोलिसांनी रात्री 11.30 वाजता सदर बारमध्ये जाऊन पाहणी केली असता, सदरचा बार हा ठरवून दिलेल्या वेळेपेक्षा अधिक वेळ सुरु असल्याचे आढळून आले. तसेच बार मधील महिला वेटर या अंगविक्षेप करुन अश्लिल हावभाव करत नृत्यू करताना आढळुन आल्या. तसेच बार मधील दोन वेटर व मॅनेजर हे त्यांना प्रोत्साहन देताना आढळुन आले. सीबीडी पोलिसांनी सदर बारवर छापा मारुन अश्लील हावभाव करणाऱया 6 महिला 2 वेटर आणि बारचा मॅनेजर या सर्वांवर सीबीडी पोलीस ठाण्यात गुन्हा दाखल करुन सगळ्यांना ताब्यात घेतले.
