ठाणे जिल्ह्यात 7 मे रोजी राष्ट्रीय लोकअदालतीचे आयोजन
ठाणे : ठाणे जिल्हा व सत्र न्यायालयाच्या अंतर्गत असलेल्या ठाणे आणि पालघर जिल्ह्यातील जिल्हा न्यायालय व सर्व तालुका न्यायालये तसेच कौटुंबिक न्यायालय, कामगार न्यायालय, सहकार न्यायालय व इतर न्यायालयांमध्ये शनिवार, दि. 07 मे, 2022 रोजी सकाळी 10.30 वाजता "राष्ट्रीय लोकअदालत" आयोजित केली आहे. जास्तीत जास्त प्रकरणे लोकअदालतमध्ये ठेवण्यासाठी ज्या न्यायालयात प्रलंबित असतील त्या न्यायालयात अर्ज करावा. तसेच दाखल पूर्व प्रकरणाबाबत जिल्हा विधी सेवा प्राधिकरण, ठाणे किंवा तालुका विधी सेवा समिती यांचेकडे अर्ज करावा, असे आवाहन जिल्हा विधी सेवा प्राधिकरणाचे सचिव एम. आर. देशपांडे यांनी केले आहे.
या राष्ट्रीय लोकअदालतमध्ये मा. न्यायालयांमधील प्रलंबित प्रकरणे जी दिवाणी स्वरूपाची, तडजोडीस पात्र फौजदारी स्वरूपाची, वैवाहिक स्वरूपाची, 138 एन. आय. अॅक्ट (चेक संबंधीची) अन्वये दाखल झालेली प्रकरणे, बॅक वसूली प्रकरणे, मोटार अपघात नुकसान भरपाई प्रकरणे, कौटुंबिक वाद प्रकरणे, कामगार विषयक वाद, भूसंपादन प्रकरणे, विज व पाणी विषयक देयक प्रकरणे, महसूली प्रकरणे तसेच दावा दाखल पूर्व प्रकरणे इत्यादी तडजोडीसाठी ठेवण्यात येणार आहेत.
राष्ट्रीय लोकअदालतीबाबत कोणतीही समस्या असेल व कोणतीही चौकशी करायची असल्यास त्यांनी तालुका विधी सेवा समिती वाशी, नवी मुंबई, जि. ठाणे दूरध्वनी क्र. 022-27580082, भिवंडी, जिल्हा ठाणे दूरध्वनी क्र. 02522-250828, कल्याण, जि. ठाणे दूरध्वनी क्र.0251-2205770, मुरबाड, जिल्हा ठाणे दूरध्वनी क्र.02524-222433, शहापुर, जिल्हा ठाणे दूरध्वनी क्र.02527-270776, उल्हासनगर, जिल्हा ठाणे दूरध्वनी क्र. 0251-2560388, पालघर जिल्हा पालघर दूरध्वनी क्र.02525-256754, वसई, जिल्हा पालघर दूरध्वनी क्र.0250-2325485, वाडा, जिल्हा पालघर दूरध्वनी क्र.02526-272672, डहाणु, जिल्हा पालघर दूरध्वनी क्र.02528-222160 व जव्हार, जिल्हा पालघर दूरध्वनी क्र.02520-222565 या क्रमांकावर संपर्क साधावा.
अथवा सचिव, जिल्हा विधी सेवा प्राधिकरण, न्याय सेवा सदन, पहिला मजला, जिल्हा न्यायालय परिसर, ठाणे येथे प्रत्यक्ष येवून किंवा फोन नंबर 022-25476441, व्दारे संपर्क साधावा.
