सिडकोतर्फे नवी मुंबईतील विविध नोडमध्ये 67,000 घरांचे (सदनिका) बांधण्याचे उद्दिष्ट
नवी मुंबई : तळोजा नोडमध्ये साकारण्यात येत असलेल्या महागृहनिर्माण योजनेतील इमारतींमधील 500 स्लॅबचे काम 489 दिवसांत पूर्ण करण्याची विक्रमी कामगीरी केल्यांनतर सिडकोने त्याच इमारतींमधील 700 स्लॅबचे काम केवळ 555 दिवसांत पूर्ण करुन आपल्याच यशाची पुनरावृत्ती केली आहे. प्रगत तंत्रज्ञानाचा वापर करुन गृहनिर्माण योजनेतील घरांचे बांधकाम कमी कालावधीत पूर्ण करण्याचे उद्दिष्ट सिडकोने निश्चित केले आहे. यामुळे गुणवत्तेशी तडजोड न करता सर्वसामान्यांना लवकरात लवकर घरे उपलब्ध करुन देत, त्यांचे घराचे स्वफ्न साकार करणे सुनिश्चित झाले आहे.
सिडकोच्या महागृहनिर्माण योजने अंतर्गत तळोजा नोडमधील सेक्टर-28,29,31 व 37 मध्ये विकसित करण्यात येत असलेल्या इमारतींमधील 700 स्लॅबचे काम केवळ 555 दिवसांत पूर्ण करण्यात आले आहे. दिवसाला सरासरी 1.26 स्लॅब या विक्रमी वेगाने हे काम पूर्ण करण्यात आले. आधुनिक तंत्रज्ञानाचा वापर करुन, गुणवत्तेशी कोणतीही तडजोड न करता सिडकोने ही कामगिरी पार पाडली आहे. सिडकोतील नियोजनकार व अभियंते, प्रकल्प सल्लागार टीसीई-एचएसए, एएचसी, कंत्राटदार बीजीएस ऍन्ड कं. यांनी सिडकोचे व्यवस्थापकीय संचालक डॉ.संजय मुखर्जी यांच्या मार्गदर्शनाखाली ही कामगिरी पार पाडली आहे. या कामगिरीद्वारे सिडकोने गृहनिर्माणातील आपल्या यशाची पुनरावृत्ती केली आहे.
सिडकोतर्फे नवी मुंबईतील विविध नोडमध्ये 67,000 घरांचे (सदनिका) बांधण्याचे उद्दिष्ट ठेवले आहे. हे उद्दिष्ट पूर्ण करण्याच्या दिशेने सिडकोची वेगाने वाटचाल सुरु आहे. परिहवन केंद्रित विकास संकल्पनेवर आधारित या गृहनिर्माण योजनेतील घरांचे बांधकाम रेल्वे स्थानक फोरकोर्ट, बस व ट्रक टर्मिनल परिसरात करण्यात येत आहे. यामुळे प्रवासाच्या वेळेत बचत होण्यासह सार्वजनिक वाहतुकीच्या वापरासही प्रोत्साहन मिळणार आहे. सिडकोचे हे यश परवडणाऱया दरातील घरांच्या क्षेत्रातील एक सकारात्मक पाऊल असून सर्वसामान्य नागरिकांच्या परवडणाऱया दरातील घरांचे स्वफ्न कमी कालावधीत पूर्ण करण्याच्या दिशेने पडलेले हे आशादायी पाऊल असल्याचे बोलले जात आहे. डॉ.संजय मुखर्जी (उपाध्यक्ष तथा व्यवस्थापकीय संचालक, सिडको)
परवडणाऱया दरातील घरांचे बांधकाम नियोजित कालावधीत पूर्ण करण्याचे सिडकोचे उद्दिष्ट आहे. यासाठी गुणवत्तेशी कोणतीही तडजोड न करता, घरांचे बांधकाम वेगाने पार पाडण्याकरिता बांधकाम क्षेत्रातील प्रगत आणि अद्ययावत तंत्रज्ञानाचा वापर करण्यावर सिडकोचा भर आहे. यामुळे सर्वसामान्य नागरिकांचे हक्काच्या घराचे स्वफ्नही वेळेत पूर्ण होणार आहे.
