उरण वाहतूक शाखेचे पोलीस उपनिरीक्षक संजय पवार राष्ट्रपती पदकाने सन्मानित
उरण : उरण वाहतूक शाखेचे पोलीस उपनिरीक्षक संजय पवार यांनी आपल्या सेवेत जीवावर बेतून अनेक गुन्हे उगडकीस केले आहे त्यांच्या या कार्याबद्दल त्यांना राष्ट्रपती पदकाने सन्मानित करण्यात आले आहे.
13 ऑक्टोबर रोजी दरबार हॅाल,राजभवन मुंबई येथे महाराष्ट्र पोलीस दलातील एकूण 114 पोलीस अधिकारी अंमलदारांना 2020-21 चे राष्ट्रपती पदक प्राप्त झाले होते महाराष्ट्र चे राज्यपाल भगतसिंग कोशयारी यांचे हस्ते व मुख्यमंत्री एकनाथ शिंदे यांचे उपस्थितीत त्यांना सन्मानित करण्यात आले. यावेळी मा. पोलीस महासंचालक रजनिश सेठ,पो आयुक्त विवेक फनसाळकर,मुख्य सचीव आनंद लिमये व इतर मान्यवर उपस्थित होते.
उरण वाहतुक शाखेचे पोलीस उपनिरीक्षक संजय पवार यांनी आपल्या उत्कृष्ट जनसंपर्कामुळे नवी मुंबई पोलीस आयुक्तालयातील गंभीर स्वरुपाचे जास्तीत जास्त गुन्हे उघडकीस आणणे , 33 वर्षाचे सेवेत वेगवेगळ्या गुन्हेगारी टोळ्यांची गुप्त माहीती काढून धडक कारवाई करुन महाराष्ट्र सह इतर राज्यातील खुन, खंडणी दरोडा सारखे गुन्हे उघडकीस आणुन गुन्हेगारांवर वचक ठेवण्यात हातखंडा, नवी मुंबई गुन्हे शाखा, खंडणी विरोधी पथक, दरोडा प्रतिबंधक पथक, इतर एसआयटी मधे सकारात्मक योगदान दिले. त्यामुळे निष्कलंक गुणवत्तापुर्ण सेवेसाठी संजय पवार पोलीस उपनिरीक्षक वाहतूक शाखा उरण यांना राष्ट्रपती पदक प्रदान करण्यात आले.
संजय पवार पोलीस उपनिरीक्षक वाहतूक शाखा उरण यांना राष्ट्रपती पदक मिळाल्याने महाराष्ट्रातील सर्व पोलीस अधिकारी, कर्मचारी वर्ग, नातेवाईक, मित्र परिवार, हितचिंतक, विविध सामाजिक संघटना यांनी संजय पवार यांच्या कार्याचे कौतुक करत त्यांचे अभिनंदन केले आहे. विविध क्षेत्रातून त्यांच्यावर अभिनंदन व शुभेच्छांचा वर्षाव होत आहे.
