जिल्हास्तरीय शालेय कबड्डी स्पर्धेत विद्यार्थ्यांचा उदंड सहभाग
आप महाराष्ट्र-कोकण विभाग तर्फे कार्यकर्ता मेळावा संपन्न
आप महाराष्ट्र-कोकण विभाग मेळाव्यात सामान्य नागरिकांनी मोठ्या प्रमाणावर हजेरी
नवी मुंबई ः आप महाराष्ट्र-कोकण विभाग तर्फे नवी मुंबई, ठाणे, पनवेल, कल्याण-डोंबिवली, मीरा भाईंदर, वसई-विरार, उल्हासनगर, बदलापूर-अंबरनाथ, रायगड, वांगणी आदि क्षेत्रातील स्थानिक स्वराज्य संस्थांच्या अखत्यारित येणाऱ्या सर्व क्षेत्रातील कार्यकर्त्यांचा भव्य मेळावा ८ जानेवारी रोजी वाशीत संपन्न झाला. विष्णुदास भावे नाट्यगृहात संपन्न झालेल्या सदर सर्वच क्षेत्रातील सामान्य नागरिकांनी मोठ्या प्रमाणावर हजेरी लावली होती.
सदर मेळाव्याला ‘दिल्ली'चे उपमुख्यमंत्री मनिष सिसोदिया यांच्या शिक्षण प्रणाली सल्लागार आमदार अतिशी मालरेना, आमदार कुलदीप कुमार, ‘आप'चे महाराष्ट्र कार्यकारिणी प्रभारी दीपक सिंघला, महाराष्ट्र निवडणूक अधिकारी महादेव नाईक, राष्ट्रीय प्रववत्या प्रीती मेनन, राष्ट्रीय कार्यकारिणी सदस्य तथा महाराष्ट्र उपाध्यक्ष किशोर माध्यम, धनराज वंजारी्र, हरिभाऊ राठोड, महाराष्ट्र सचिव धनंजय शिंदे, राज्य समिती सदस्य डॉ. फैजी, प्रदेश समिती सदस्य कुसुमाकर कौशिक, वेंÀद्रिय मंत्री विजय कुंबर, आरोग्य विभाग समन्वयक डॉ. संतोष करमरकर, आदिंची प्रमुख उपस्थिती होती.
सदर मेळाव्यात उपस्थित आप राष्ट्रीय कार्यकारणी तसेच महाराष्ट्र कार्यकारणीचे सदस्य यांनी सामान्य माणसांना भेडसावणाऱ्या विविध जनताभिमुख विषयांवर कार्यकर्त्यांना मार्गदर्शन केले. यामध्ये सरकारी शिक्षण आणि आरोग्य व्यवस्था, माहिती अधिकार, सामाजिक न्याय, सरकारी निमसरकारी उद्योगाच्या खाजगीकरणाचा चालू झालेला अतिरेक, नागरी सुरक्षा, कामगार आणि शेतकरी समस्या असे विविध विषयांवर दिल्ली मधील मोफत सरकारी शिक्षण व्यवस्थामध्ये क्रांतिकारक बदल घडविण्यात मोलाचा वाटा उचलणाऱ्या आ. अतीशी मालरेना यांनी उत्कृष्ट सरकारी शिक्षण व्यवस्था कशी असावी या विषयावर मोलाचे मार्गदर्शन केले. तसेच आ, कुलदीप कुमार यांनी नुकत्याच दिल्ली महापालिका मधील विजयाची यशोगाथा वर्णन केली. त्याचप्रमाणे सुरत महापालका निवडणुकीत मध्ये ‘आप'ला २७ जागांची विजयश्री मिळवून देणारे ‘आप गुजरात'चे माजी अध्यक्ष तथा नुकतेच महाराष्ट्र सहप्रभारी म्हणून नियुक्त झालेले गोपाळ इटालिया यांनी सुरत विजयाची यशोगाथा ऐकवली. उत्कृष्ट वक्ते, ग्रामीण नेतृत्व आणि आप महाराष्ट्र अध्यक्ष रंगा राचुरे यांनी देखील, आपल्या शैलीतील भाषणात कार्यकर्त्यांना कानपिचक्या देत संघटनेचे महत्व समजवून सांगितले.
