‘सिडको'मुळे सोयी सुविधांनी परिपूर्ण शहरात आपल्या हक्काच्या घराचे स्वप्न पूर्ण झाल्याची भावना
‘सिडको'ने केले हक्काच्या घराचे स्वप्न साकार
नवी मुंबई ः ‘सिडको'च्या महागृहनिर्माण योजना ऑगस्ट-२०२२ करिता संगणकीय सोडत २३ नोव्हेंबर रोजी सिडको भवन येथील सभागृहामध्ये पार पडली. ‘सिडको'तर्फे ३१ ऑगस्ट रोजी सदर गृहनिर्माण योजनेचा प्रारंभ करण्यात येऊन नवी मुंबईच्या विविध नोडमधील ‘सिडको'च्या गृहनिर्माण योजनेतील उपलब्ध ४,१५८ घरे विक्रीकरिता उपलब्ध करुन देण्यात आली होती.
सदर संगणकीय सोडत प्रक्रियेवर देखरेख करण्याकरिता ‘सिडको'तर्फे माजी लोकायुक्त सुरेश कुमार यांच्या पर्यवेक्षणाखाली समिती नियुक्त करण्यात आली होती. मोईझ हुसेन हेही या समितीतील एक सदस्य होते. सोडतीमध्ये घर लाभलेल्या अर्जदारांनी ‘सिडको'मुळे नवी मुंबईसारख्या सोयी सुविधांनी परिपूर्ण शहरात आपल्या हक्काच्या घराचे स्वप्न पूर्ण झाल्याची भावना बोलून दाखवली.
‘सिडको'तर्फे नवी मुंबईतील द्रोणागिरी, कळंबोली, तळोजा आणि खारघर नोडमधील ‘सिडको'च्या गृहनिर्माण योजनेतील ४,१५८ घरे विक्रीकरिता उपलब्ध करुन देण्यात आली होती. परवडणाऱ्या दरातील या ४,१५८ घरांपैकी ४०४ घरे (उत्पन्न मर्यादा ० ते ३ लाख) प्रधानमंत्री आवास योजना अंतर्गत आर्थिकदृष्ट्या दुर्बल घटकाकरिता आणि उर्वरित ३,७५४ घरे (उत्पन्न मर्यादा ३ लाखांपेक्षा अधिक) सर्वसाधारण प्रवर्गाकरिता उपलब्ध करुन देण्यात आली होती.
सदर महागृहनिर्माण योजनेस नागरिकांचा उत्तम प्रतिसाद मिळून सुमारे १६,००० अर्ज प्राप्त झाले. महागृहनिर्माण योजनेकरिता ऑनलाईन अर्ज करण्यासाठी ३ ऑक्टोबर २०२२ पर्यंत अंतिम तारीख होती. परंतु, अधिकाधिक नागरिकांना योजनेचा लाभ घ्ोता यावा, याकरिता ऑनलाईन अर्ज नोंदणीस ३ नोव्हेंबर पर्यंत मुदतवाढ देण्याचा निर्णय ‘सिडको'कडून घ्ोण्यात आला होता. यामुळे सुमारे ४ हजारांहुन अधिक कुटुंबांचे हक्काच्या घराचे स्वप्न पूर्ण होणे शक्य झाले.
‘सिडको'तर्फे गृहनिर्माण योजनेच्या संगणकीय सोडतीसाठी वापरण्यात येणारी प्रणाली (सॉपटवेअर) पूर्णतः मानवी हस्तक्षेपविरहित आहे. तसेच भारतीय तंत्रज्ञान संस्था (आयआयटी) मुंबई येथील संगणक विभागाकडून या प्रणालीची तपासणी करण्यात आली आहे. या प्रणालीद्वारे काढण्यात येणाऱ्या सोडत प्रक्रियेमध्ये अर्जदारांमधील निवडक प्रतिनिधींना पंच म्हणून सहभागी करुन घ्ोतले जाते. तसेच सोडती दरम्यान पात्र अर्जदारांच्या आणि सदनिकांच्या यादीची यादृच्छिक (Rीह्दस्) पध्दतीने सरमिसळ करण्यात येते. अत्यंत पारदर्शक आणि निष्पक्ष अशा या प्रक्रियेद्वारे सर्व अर्जदारांना समान संधी सुनिश्चित करण्यात येते.
महागृहनिर्माण योजना ऑगस्ट-२०२२ च्या सोडतीमध्ये यशस्वी ठरलेल्या अर्जदारांची यादी ‘सिडको'च्या संकेतस्थळावर उपलब्ध करुन देण्यात आली आहे. अयशस्वी अर्जदारांची अनामत रक्कम १५ दिवसांच्या कालावधीमध्ये परत केली जाईल.
महागृहनिर्माण योजना ऑगस्ट मध्ये यशस्वी ठरलेल्या अर्जदारांचे ‘सिडको'चे उपाध्यक्ष तथा व्यवस्थापकीय संचालक डॉ. संजय मुखर्जी यांनी अभिनंदन केले. तसेच अयशस्वी ठरलेल्या अर्जदारांनी निराश न होता ‘सिडको'च्या महागृहनिर्माण योजना दिवाळी- २०२२ करिता अर्ज करण्याचे आवाहनही त्यांनी केले.
