शहराच्या शाश्वत विकासासाठी ‘केडीएमसी'चे ७ कलमी मुद्दे -आयुक्त गोयल
सिडको अधिकारी-कर्मचारी यांच्या ७२ पाल्यांचा गुणगौरव
उपलब्ध संधींचा लाभ घेऊन देश निर्मितीत योगदान द्या - डिग्गीकर
नवी मुंबई : ‘सिडको'चे अधिकारी-कर्मचारी यांच्या पाल्यांचा गुणगौरव सोहळा ३१ ऑगस्ट रोजी संपन्न झाला. या प्रसंगी सिडको महामंडळातील कर्मचारी आणि अधिकाऱ्यांच्या दहावी आणि बारावी परीक्षांमध्ये उज्वल यश संपादन केलेल्या पाल्यांचा गुणगौरव करण्यात आला. सदर कार्यक्रम सन १९८२ पासून प्रतिवर्षी आयोजित केला जातो.
या प्रसंगी ‘सिडको'चे व्यवस्थापकीय संचालक अनिल डिग्गीकर, सह-व्यवस्थापकीय संचालक-१ राजेश पाटील, सहव्यवस्थापकीय संचालक-२ शांतनू गोयल, मुख्य दक्षता अधिकारी सुरेश मेंगडे, व्यवस्थापक (कार्मिक) फैयाज खान, ‘सिडको एम्लॉईज युनियन'चे अध्यक्ष विनोद पाटील यांच्यासह ‘सिडको'तील विभाग प्रमुख, अधिकारी-कर्मचारी तसेच गुणवंत विद्यार्थी उपस्थित होते.
कोणत्याही क्षेत्रात शिक्षण घेताना त्यातील यश, अपयश निश्चित नसते. परंतु, तुम्ही घेत असलेल्या शिक्षणामुळे तुमचे व्यक्तिमत्व विकसित होण्यास निश्चितच मदत होते. शिक्षण क्षेत्रातील उपलब्ध विविध संधींचा लाभ घेऊन देशाच्या निर्मितीत आपले योगदान द्यावे, असे आवाहन व्यवस्थापकीय संचालक अनिल डिग्गीकर यांनी उपस्थित विद्याथार्ीवर्गाला दिला.
सदर सोहळ्यात दहावी उत्तीर्ण झालेल्या ४२ तर इयत्ता बारावी उत्तीर्ण झालेल्या ३० अशा एकूण ७२ विद्यार्थ्यांचा गुणगौरव करण्यात आला.
