रुट मार्चच्या माध्यमातून पोलिसांनी निर्भयरित्या मतदान करण्याचा दिला संदेश
भारताची महत्त्वकांक्षी चांद्रयान- ३ मोहीमचे फडके नाट्यगृहात प्रक्षेपण
पनवेल महापालिकेच्या १० शाळांमध्येही डिजीटल बोर्डवरती चांद्रयान- ३ प्रक्षेपणाचा कार्यक्रम
पनवेल : आयुक्त गणेश देशमुख यांच्या मार्गदर्शनाखाली महत्त्वकांक्षी चांद्रयान- ३ मोहीमचे(chandrayaan ३) आज दिनांक २३ ऑगस्ट रोजी पनवेल महानगरपालिकेने आज रोजी आद्य क्रांतीवीर वासुदेव बळवंत फडके नाट्यगृहात चांद्रयान- ३ स्पेसक्राफ्ट चांद्रभूमीला स्पर्श प्रक्षेपणाचा कार्यक्रम आयोजित करण्यात आला होता. यावेळी महापालिकेचे सर्व उपायुक्त, सहाय्यक आयुक्त, अधिकारी व कर्मचारी मोठ्या संख्येने उपस्थित होते.
भारताचा चांद्रयान-3 या महत्त्वाकांक्षी चंद्रमोहिमेद्वारे चंद्राच्या दक्षिण ध्रुवावर उतरण्याचा प्रयत्न यशस्वी ठरला आहे.भारताच्या इतिहासातली सर्वात मोठी, सर्वात अभिमानाची आणि सर्वात मोठ्या इस्रोच्या (ISRO) चांद्रयान-3 (Chandrayaan-3 Mission) चं चंद्रावर यशस्वी लँडिंग झालं आहे. या ऐतिहासिक क्षणाचे साक्षीदार होण्यारिता आयुक्त गणेश देशमुख यांच्या सूचनेनूसार फडके नाट्यगृहामध्ये मोठ्या स्क्रीनवरती प्रक्षेपण करण्यात आले. सर्व अधिकारी व कर्मचाऱ्यांनी चांद्रयानचे यशस्वी लॅण्डिंग होताच टाळ्यांचा गडगडाट करुन आनंद व्यक्त केला.
महापालिकेच्या १० शाळांमध्येही डिजीटल बोर्डवरती चांद्रयान- ३ स्पेसक्राफ्ट चांद्रभूमीला स्पर्श प्रक्षेपणाचा कार्यक्रम आयोजित करण्यात आला होता. शाळेतील मुलांनीही चांद्रयानाचे यशस्वी लँडिंग होताना पाहण्याचा आनंद घेतला.
