शहराच्या शाश्वत विकासासाठी ‘केडीएमसी'चे ७ कलमी मुद्दे -आयुक्त गोयल
आणखी महिनाभर टोमॅटो राहणार ‘लालबुंद'
आवकीत घट ; टोमॅटो दराचा उच्चांक
वाशी : मागील एक ते दीड महिन्यांपासून टोमॅटो आवकीत घट झाल्याने टोमॅटो दराने उच्चांक गाठला आहे. वाशी मधील मुंबई कृषि उत्पन्न बाजार समिती (एपीएमसी) घाऊक भाजीपाला बाजारात टोमॅटो दर वधारत असून, २६ जुलै रोजी उच्चतम प्रतिचा टोमॅटो प्रतिकिलो १३० रुपयांनी विक्री झाला आहे. एपीएमसी बाजारात जोपर्यंत राज्यातील टॉमेटो आवक वाढत नाही तोपर्यंत टॉमेटो दर वाढतेच असणार आहेत. त्यामुळे आणखी महिनाभर टोमॅटो दर चढेच राहणार असल्याची शक्यता एपीएमसी घाऊक भाजीपाला बाजारातील व्यापाऱ्यांकडून वर्तविण्यात येत आहे.
बाजारात सर्वच ठिकाणी किरकोळ आणि घाऊक बाजारात ‘टोमॅटो'चे दर वाढले आहेत. मागील दोन महिन्यांपूर्वी टोमॅटोला कवडीमोल बाजारभाव मिळत होता. त्यामुळे दरम्यानच्या कालावधीत कित्येक टोमॅटो शेतकऱ्यांनी उत्पादनाचा खर्च देखील निघत नसल्याने रस्त्यावर टोमॅटो फेकले होते. तर काहींनी टोमॅटो लागवड केली नाही. त्यामुळे सध्या टोमॅटो उत्पादन घटले आहे. मागणीच्या तुलनेत पुरवठा कमी असल्याने ‘टोमॅटो'चे दर वधारत आहेत. यंदा टोमॅटोच्या दराने पहिल्यांदाच उच्चांक गाठला आहे. आणखीन महिनाभर टोमॅटोचे चढेच राहतील, अशी महिती एपीएमसी घाऊक भाजीपाला बाजारातील व्यापाऱ्यांनी दिली. २६ जुलै रोजी एपीएमसी घाऊक भाजीपाला बाजारात टोमॅटोच्या २५ गाड्या दाखल झाल्या आहेत. यामध्ये ३० ते ४० % बंगळुरु येथून टोमॅटो दाखल होत आहेत. तर उर्वारित राज्यातील टोमॅटो आहे. पुढील महिन्यात राज्यातील टोमॅटो आवक वाढणार आहे. मात्र, तोपर्यंत टोमॅटोचे दर चढेच राहितील, असे मत एपीएमसी घाऊक भाजीपाला बाजारातील व्यापाऱ्यांकडून व्यक्त होत आहे. राज्यातील टोमॅटो आवक जरी वाढली तरी प्रतिकिलो टोमॅटो ५०-९० रुपयांवर असतील, अशी शक्यता र्वतविण्यात येत आहे. घाऊक बाजारात प्रतिकिलो टोमॅटो कमीत कमी १०० रुपये तर जास्तीत जास्त १३० रुपये आणि किरकोळ बाजारात १६० रुपयांपासून २०० पर्यंत दराने टोमॅटो विक्री होत आहे.
एपीएमसी घाऊक भाजीपाला बाजारात ‘टोमॅटो'ची आवक कमी आहे. त्यामुळे टोमॅटो दर वधारले आहेत. एपीएमसी घाऊक भाजीपाला बाजारात सध्या बंगळुरु आणि राज्यातील टोमॅटो आवक होत आहे. मात्र, आणखी महिनाभर टोमॅटोचे दर चढेच राहतील. महिनाभराने राज्यातील टोमॅटोची आवक वाढल्यानंतर ‘टोमॅटो'चे दर उतरण्याची शक्यता आहे. मात्र, ‘टोमॅटो'चे दर उतरणे सर्वस्वी पावसावर अवलंबून आहे. - कैलास ताजणे, व्यापारी - मुंबई कृषि उत्पन्न बाजार समिती (एपीएमसी), वाशी.
