शहराच्या शाश्वत विकासासाठी ‘केडीएमसी'चे ७ कलमी मुद्दे -आयुक्त गोयल
नियंत्रण कक्षातील कार्यप्रणालीची घेतली विस्तृत माहिती
सीसीटीव्ही मध्यवर्ती नियंत्रण कक्षाला महापालिका आयुवतांची भेट
नवी मुंबई ः नवी मुंबई शहर सुरक्षिततेला बळकटी देणाऱ्या सीसीटीव्ही प्रकल्पाच्या कामास सुरुवात झालेली असून महापालिका आयुक्त राजेश नार्वेकर यांनी शहर अभियंता संजय देसाई आणि अतिरिक्त शहर अभियंता शिरीष आरदवाड यांच्या समवेत सीसीटीव्ही प्रणाली मुख्य नियंत्रण कक्ष येथे प्रत्यक्ष पाहणी तेथील कार्यप्रणालीची विस्तृत माहिती जाणून घेतली
नवी मुंबई महापालिकेच्या वतीने १५०० हुन अधिक सीसीटीव्ही कॅमेरे संपूर्ण शहरभर बसविण्यात येत असून त्याचा मध्यवर्ती नियंत्रण कक्ष महापालिका मुख्यालयामध्ये पहिल्या मजल्यावर स्थापित करण्यात आला आहे. सध्या महापालिका क्षेत्रात ७०२ विविध प्रकारचे हायडेफिनेशन कॅमेरे बसविण्यात आले असून ६३ कॅमेरे मुख्य नियंत्रण कक्षाशी जोडण्यात आलेले आहेत.
आयुक्त राजेश नार्वेकर यांनी मुख्य नियंत्रण कक्षाच्या भेटीमध्ये कॅमेरा लावलेल्या ठिकाणावरील सीसीटीव्ही छायाचित्रीकरण बारकाईने पाहिले. सदर सर्व कॅमेरे हायडेफिनेशन असून आयुक्तांनी नियंत्रण कक्षाशी जोडलेल्या सीसीटीव्ही कॅमऱ्यांद्वारे झूम इन आणि झूम आऊट करुन शहरात काही भागात सुरु असलेल्या हालचालींची पाहणी केली.
सीसीटीव्ही कॅमेरे बसविण्यासाठी ५९२ ठिकाणी खाबांकरिता काँक्रिटचा पाया तयार करण्यात आला असून ५३४ खांब उभारण्यात आलेले आहेत. आयुक्त नार्वेकर यांनी सदर सर्व माहिती सविस्तर जाणून घ्ोत कोणत्या भागातील कॅमेरे कार्यान्वित झालेले आहेत, तसेच कोणत्या भागातील खांब बसवून झालेले आहेत याची विस्तृत माहिती घ्ोतली.
या प्रकल्पांतर्गत नवी मुंबई महापालिका क्षेत्रातील ५४० स्थानांवर विविध प्रकारचे सीसीटीव्ही कॅमेरे बसविण्यात येत असून २३० स्थानांवर कॅमेरे बसवून झालेले आहेत. त्यामध्ये शहरातील मुख्य चौक, बस डेपो, मार्केटस्, उद्याने, मैदाने, नाके, वर्दळीची ठिकाणे, नमुंमपा कार्यालये, पामबीच, ठाणे-बेलापूर रोड, सायन-पनवेल असे जास्त रहदारीचे रस्ते येथे हायडेफिनेश कॅमेरे बसविण्यात येत आहेत. या कॅमऱ्यांमध्ये ९५४ स्थिर कॅमेऱ्यांचा तसेच ३६० अंशामध्ये गोलाकार चित्रण टिपणाऱ्या १६५ पीटीझेड कॅमेऱ्यांचा समावेश आहे. याशिवाय महापालिका क्षेत्राला लाभलेला विस्तारित सागरी किनारा लक्षात घ्ोऊन सागरी सुरक्षेच्या दृष्टीने ९ थर्मल कॅमेरे बसविण्यात येत आहेत.
पोलीस विभागाच्या दृष्टीने अत्यंत महत्वाचे असे ९६ इव्हिडन्स कॅमेरे २४ मुख्य ट्रॅफिक जंक्शनवर बसविण्यात येत असून २८८ एएनपीआर म्हणजेच ॲटोमॅटीक नंबर प्लेट रेक्गनेशन कॅमेरे देखील बसविण्यात येत आहेत. या एएनपीआर कॅमेऱ्यांद्वारे स्वयंचलीत पध्दतीने वाहनांवरील नंबर प्लेट वाचन करता येणार आहे. सदर यंत्रणा कार्यान्वित झाल्यानंतर सिग्नल तोडणाऱ्या तसेच वाहतुकीच्या इतर नियमांचा भंग करणाऱ्या वाहनचालकांच्या घरी थेट दंडात्मक चलन फोटोसह पाठविले जाणार आहे. यासोबतच २४ ट्रॅफिक जंक्शनवर पब्लिक अनाऊंसमेंट सिस्टीम बसविण्यात येत असून याद्वारे आपत्कालीन व्यवस्थेच्या दृष्टीने अत्यावश्यक क्षणी नागरिकांकरिता सीसीटीव्ही नियंत्रण कक्षातून महत्वाच्या सूचना देणे शक्य होणार आहे. या सीसीटीव्ही प्रणालीच्या मुख्य केंद्रीय नियंत्रण कक्ष महापालिका मुख्यालय येथे सुरु करण्यात आला आहे. सदर नियंत्रण कक्ष नवी मुंबई पोलीस आयुक्तालय येथील विशेष कक्षाशी जोडला जाणार आहे. अशाच प्रकारचा निरीक्षण कक्ष वाहतूक पोलीस उपायुक्त कार्यालय तसेच पोलीस उपायुक्त परिमंडळ-१ यांच्या कार्यालयातही असणार आहे.
