शहराच्या शाश्वत विकासासाठी ‘केडीएमसी'चे ७ कलमी मुद्दे -आयुक्त गोयल
स्मशानभूमीच्या कामाला लवकरच सुरुवात
कोपरी गाव ग्रामस्थांच्या संघर्षाला अखेर यश
वाशी ः नवी मुंबई महापालिका हद्दीतील कोपरी गावामध्ये असलेल्या स्मशानभूमीच्या ठिकाणीच नवीन स्मशानभूमी बांधावी, याकरिता कोपरी गाव ग्रामस्थांद्वारे मागील पाच वर्षांपासून महापालिका सोबत संघर्ष सुरु होता. या संघर्षाला अखेर यश आले असून, महापालिकाने या ठिकाणी नवीन स्मशानभूमी बांधण्यासाठी हालचाली सुरु केल्या आहेत. कोपरी गावामध्ये बांधण्यात येणाऱ्या नवीन स्मशानभूमीचे संकल्प चित्र तयार करण्याचे काम सुरु करण्यात आले आहे, अशी माहिती महापालिका अभियंत्यांनी दिली.
कोपरी गावात पुरातन स्मशानभूमी आहे. कालांतराने महापालिकेने १९९८-९९ मध्ये स्मशानभूमीची सुधारणा केली. नंतर २०१५ मध्ये लोकप्रतिनिधींच्या मागणीनुसार कोपरी गावासाठी उड्डाणपूल शेजारी स्मशानभूमी मंजूर करुन ती बांधण्यात आली. मात्र, उड्डाणपूल शेजारी स्मशानभूमीची उभारणी कोपरी गाव ग्रामस्थांना विश्वासात न घ्ोता करण्यात आली. त्यामुळे ग्रामस्थ आजही कोपरी गावातील जुन्या स्मशानभूमीसाठी आग्रही असून, त्याच ठिकाणी अंत्यसंस्कार पार पाडले जात आहेत. कोपरी गावातील जुनी स्मशानभूमी हटवण्यास कोपरी गाव ग्रामस्थांनी विरोध केला असून, तसा ठराव कोपरी गाव ग्रामस्थ मंडळाने २०१८ मध्ये एकमताने मंजूर केला आहे. तेव्हा पासून जुन्या स्मशानभूमीच्या देखभाल-दुरुस्तीची मागणी कोपरी गाव ग्रामस्थ करत आले आहेत. या मागणीला अखेर यश आले असून, स्मशानभूमी बांधण्याच्या कामाला लवकरच सुरुवात होणार आहे. त्यासाठी प्रथमतः संकल्पचित्र तयार करण्यात येणार असून, त्यानंतर स्मशानभूमीच्या खर्चाची मंजुरी घ्ोऊन निविदा प्रक्रिया राबवली जाणार आहे. त्यामुळे कोपरी गावामध्ये आता स्मशानभूमी बांधण्याचे काम प्रत्यक्षात होणार असल्याने कोपरी गाव ग्रामस्थांनी समाधान व्यक्त केले आहे.
