शहराच्या शाश्वत विकासासाठी ‘केडीएमसी'चे ७ कलमी मुद्दे -आयुक्त गोयल
वसतीगृहाचे काम २६ सप्टेंबर पर्यत पूर्ण करण्याचे आयुक्त बांगर यांचे निर्देश
राजीव गांधी वैद्यकीय महाविद्यालय वसतीगृह नुतनीकरण कामाचा आढावा
ठाणे : ठाणे महापालिकेच्या राजीव गांधी वैद्यकीय महाविद्यालयातील प्रशिक्षणार्थी आणि छत्रपती शिवाजी महाराज रुग्णालयातील निवासी डॉक्टरांच्या वसतीगृह नुतनीकरणाचे काम सुरू असून या कामाची पाहणी महापालिका आयुक्त अभिजीत बांगर यांनी १ ऑगस्ट रोजी संबंधित अधिकाऱ्यांसमवेत केली. दरम्यान, वसतीगृहाच्या खोल्यांची रचना कशी असेल यासाठी अद्ययावत अशी एक रुम तयार करण्यात आली आहे. या रुमची पाहणी करीत असताना वसतीगृहातील इतर रुमही अशाच पध्दतीने तयार कराव्यात. तसेच येत्या २६ सप्टेंबर पर्यत सर्व कामे पूर्ण होतील या दृष्टीने नियोजन करुन काम करावे, असे निर्देश आयुक्त बांगर यांनी संबंधित विभागाला यावेळी दिले.
महापालिकेच्या राजीव गांधी वैद्यकीय महाविद्यालयाला मुख्यमंत्री एकनाथ शिंदे यांनी काही महिन्यांपूर्वी भेट दिली होती. यावेळी वसतीगृहाची दुरावस्था त्यांनी पाहून तेथील मुलांशी संवाद साधून सोयी-सुविधांबाबत विद्यार्थ्यांकडून माहिती घ्ोतली. सद्यस्थितीबाबत सर्व प्रशिक्षणार्थींनी वसतीगृह तसेच कॅन्टीनच्या समस्या त्यांच्याजवळ मांडल्या. या पार्श्वभूमीवर मुख्यमंत्र्यांनी निर्देश देवून अत्यंत चांगल्या अत्युच्च दर्जाच्या सेवासुविधा निवासी डॉक्टरांना उपलब्ध करुन देणे गरजेचे असल्याचे नमूद केले. मुख्यमंत्र्यांच्या सूचनेनुसार कळवा येथील राजीव गांधी वैद्यकीय महाविद्यालय येथे असलेल्या वसतीगृहाच्या इमारत नुतनीकरणाचे काम सुरु करण्यात आले आहे. वसतीगृहाचे काम दोन महिन्यांच्या विहित कालमर्यादेत पूर्ण करण्याच्या सूचना आयुक्त बांगर यांनी दिल्या.
रुग्णालयामध्ये ज्या सेवा पुरविल्या जातात. त्यामध्ये निवासी वैद्यकीय अधिकाऱ्यांची फार मोठी भूमिका असते. वैद्यकीय महाविद्यालय असणाऱ्या रुग्णालयातील रुग्णसेवेचा कणाच निवासी वैद्यकीय अधिकारी असतात. या पार्श्वभूमीवर त्यांच्या निवासाची व्यवस्था अत्युच्च दर्जाची असल्याने त्याचा थेट परिणाम रुग्ण्सेवा सुधारण्यावर होणार आहे. त्यामुळे निवासी डॉक्टरांच्या वसतीगृहामध्ये होत असणाऱ्या सुधारणा या विशेष महत्वाच्या ठरतात, असे आयुक्तांनी यावेळी नमूद केले.
वसतीगृहाचे काम सुरु करण्यापूर्वी इमारतीचे स्ट्रक्चरल ऑडिट करण्यात आले आहे. त्यानुसार इमारतीतील कॉलम्स, बीम, स्लॅब आदिची डागडुजी करताना वापरण्यात येणाऱ्या साहित्याचा दर्जा अत्युच्च असावा. इमारतीतून गळती होणार नाही या दृष्टीने काम करण्यात यावे. पहिल्या मजल्यावर तयार करण्यात आलेल्या रुममध्ये दोन बेडस् फर्निचर, अभ्यास करण्यासाठी टेबल, वातानुकूलित यंत्रणा बसविण्यात आले असून या संपूर्ण खोलीची पाहणी यावेळी करण्यात आली. या वसतीगृहात एकूण ५३ रुम असून प्रत्येक रुममध्ये दोन विद्यार्थी अशा एकूण १०६ विद्यार्थी आणि निवासी डॉक्टरांची सोय होणार आहे. वसतीगृहाच्या सर्व खोल्यांमध्ये भरपूर उजेड येईल अशी रचना असावी. रुममधील फरशी, रंग याबाबतची निवड तसेच उघडझाप करता येतील, असे पडदे, चार्जिंगची सुविधा आयुक्त बांगर यांनी संबंधित अधिकाऱ्यांना दिले.
छत्रपती शिवाजी महाराज रुग्णालयाच्या इमारतीच्या दुरुस्तीसाठी शासनाकडून निधी प्राप्त झाला असून लवकरच रुग्णालयांच्या कामाची निविदा प्रक्रिया सुरु करण्याच्या सूचना आयुक्तांनी दिल्या. त्यापूर्वी इमारतीचे स्ट्रक्चरल ऑडिट करुन घ्यावे. या ऑडिटनुसार इमारतीची दुरुस्ती हाती घ्ोण्यात यावे. यामध्ये कोणत्याही प्रकारे सद्यस्थितीतील रुग्णांना अडचण निर्माण होणार नाही, या दृष्टीने एकेक मजल्याचे काम हाती घ्ोवून ते पूर्ण करावे. जेणेकरुन रुग्णालय सुरु राहून आवश्यक काम करणे सोयीचे होईल. शासनाकडून उपलब्ध झालेल्या निधीमधून काम करावयाचे असून खर्च होणाऱ्या प्रत्येक रुपयाचा विनियोग रुग्णालयाची भौतिक परिस्थिती सुधारण्यामध्ये झाला पाहिजे याकडे कटाक्ष असावा.
-अभिजीत बांगर, आयुवत-ठाणे महापालिका.
