शहराच्या शाश्वत विकासासाठी ‘केडीएमसी'चे ७ कलमी मुद्दे -आयुक्त गोयल
‘वसुधैव कुटुंबकम्करिता योग' संकल्पना ‘योग दिन'ची टॅगलाईन
आज ‘आंतरराष्ट्रीय योग दिन'चे आयोजन
नवी मुंबई : संयुक्त राष्ट्रसंघाने घोषित केल्यानुसार २१ जून रोजी संपूर्ण जगभरात ‘आंतरराष्ट्रीय योग दिन' म्हणून साजरा करण्यात येत असतो. यावर्षी ‘वसुधैव कुटुंबकम्करिता योग' या संकल्पनेवर आधारित ‘प्रत्येक घरी, अंगणी योग (हर घर- आंगण योग)' या ‘केंद्रीय आयुष मंत्रालय'ने जाहीर केलेल्या टॅगलाईन नुसार नववा आंतरराष्ट्रीय योग दिन साजरा करण्यात येत आहे.
यानिमित्त नवी मुंबई महापालिकेच्या वतीने आंतराष्ट्रीय योग दिनी आज २१ जून रोजी, सिडको आणि द आर्ट ऑफ लिव्हिंग यांच्या सहयोगाने सकाळी ६.३० ते ८.३० या वेळेत वाशी, सेक्टर-३० ए येथील सिडको एक्झिबिशन सेंटर मध्ये योगविषयक विशेष उपक्रमाचे आयोजित करण्यात आलेले आहे.
योग आपल्या आरोग्यावर तर उत्तम परिणाम करतोच त्या सोबतच संपूर्ण व्यक्तिमत्वावर सकारात्मक परिणाम करतो. त्यामुळे योगाचे महत्व जनमानसात रुजावे यादृष्टीने नवी मुंबई महापालिकेच्या वतीने सिडको आणि द आर्ट ऑफ लिव्हिंग यांच्या सहकार्याने आंतरराष्ट्रीय योग दिवसाच्या विशेष उपक्रमाचे आयोजन करण्यात आलेले आहे.
२१ जून रोजी आंतरराष्ट्रीय योग दिनानिमित्त आयोजित करण्यात आलेल्या सदर विशेष उपक्रमात सकाळी ६.३० वाजता वाशी, सेक्टर-३० ए येथील सिडको एक्झिबिशन सेंटरमध्ये शाळा, महाविद्यालयातील विद्यार्थी तसेच आबालवृध्द, नागरिक, महिला मोठ्या प्रमाणात सहभागी होणार आहेत. सध्याच्या तणावग्रस्त जीवनशैलीत योगाचे जीवनातील महत्व तसेच ताणमुक्त जगण्यासाठीची गरज लक्षात घेऊन नवी मुंबईकर नागरिकांनी या उपक्रमात मोठ्या संख्येने सहभागी व्हावे, असे आवाहन करण्यात येत आहे. -राजेश नार्वेकर, आयुवत - नवी मुंबई महापालिका.
