मतमोजणीच्या अनुषंगाने आज अवजड वाहनांना अटल सेतूवरून जाण्यास मनाई
उलवे मधील नवरात्रौैत्सवाला ऑस्ट्रेलियन पाहुण्यांची भेट
ऑस्ट्रेलियन पाहुण्यांकडून महेंद्र घरत यांच्याबद्दल गौरवोद्गार
उरण : ‘यमुना सामाजिक शैक्षणिक संस्था'च्या उलवे नोड येथे साजरा होत असलेल्या नवरात्रौत्सवाला ऑस्ट्रेलिया येथील पॉल यांनी भेट दिली. तसेच त्यांनी नवरात्रोत्सवातील गरबा-दांडियाचा आनंद लुटला. यावेळी ‘यमुना सामाजिक शैक्षणिक संस्था'च्या कमिटी तर्फे, परदेशी पाहुण्यांचा सत्कार करण्यात आला.
यावेळी पॉल यांनी महेंद्र घरत यांच्या आंतरराष्ट्रीय कामगार क्षेत्रातील कार्याबद्दल गौरवोद्गार काढले. आयटीएफ, आयएलओ या जगातील श्रेष्ठ संघटनांवर भारतीय कामगार चळवळीचे नेतृत्व करत आपला दबदबा जागतिक पातळीवर उमटवीत आहेत. तरीही घरत यांची नाळ या मातीशी जोडलेली आहे. समाजातील गोरगरिबांनी आनंद साजरा करावा म्हणून ते नवरात्रोत्सवाचे आयोजन करुन जनतेला आनंद देत आहेत. रुग्णवाहिका, गोरगरीबांना शिक्षणासाठी मदत अनेक बेरोजगार, युवकांना रोजगार देण्याचे अलौकिक काम करीत आहेत. म्हणूनच कामगार क्षेत्रातील जागतिक नेतृत्व महेंद्र घरत यांच्या प्रेमात असून आम्ही त्यांच्या सोबत काम करीत आहोत. विशेष म्हणजे महेंद्र घरत आमचे मित्र असल्याचा सार्थ अभिमान असल्याचे गौरवोदगार पॉल यांनी यांनी यावेळी काढले.
याप्रसंगी दिल्ली येथील अरविंद कौशल, मिलिंद पाडगांवकर, अखलाक श्रीलोत्री, किरीट पाटील, वैभव पाटील, अनिलशेठ घरत, गणपतशेठ घरत, मनोज फडकर, आदि उपस्थित होते.
