३० वर्ष जुन्या इमारतींचे स्ट्रक्चरल ऑडीट करुन घेण्याचे आवाहन
महापालिका आयुक्तांकडून ‘ठाणे'तील प्रकल्पांची पाहणी
ठाणे ः ठाणे महापालिकेच्या सर्व विभागांच्या कामकाजाची माहिती घ्ोतल्यानंतर आयुक्त सौरभ राव यांनी महापालिका क्षेत्रातील प्रकल्पांच्या पाहणीला १ एप्रिल पासून सुरुवात केली. या पाहणी दौऱ्यात आयुक्त राव यांनी सी. डी. देशमुख प्रशासकीय प्रशिक्षण संस्थेलाही भेट दिली.
ठाणे महापालिका क्षेत्रात सुरु असलेल्या विविध विकासकामांची पाहणी, तसेच भविष्यामध्ये शहराच्या दृष्टीने जे नियोजित प्रकल्प सुरु होणार आहेत त्याची माहिती घ्ोणे, असे या दौऱ्याचे प्रयोजन आहे. शहरातील वाहतूक कोंडीची समस्या लक्षात घ्ोऊन त्यावर काय उपाय करता येतील, याची माहिती घ्ोणे हाही या पाहणी दौऱ्याचा उद्देश असल्याचे आयुक्त राव यांनी स्पष्ट केले. १ एप्रिल रोजी झालेल्या सदर पाहणी दौऱ्याला आनंदनगर, कोपरी येथून सुरुवात झाली. ठाणेचे प्रवेशद्वार, सुशोभिकरण योजनेतील दीपस्तंभ यांची आयुक्तांनी पाहणी केली. दीपस्तंभ अधिक प्रकाशमान असावा आणि त्याची नियमित देखभाल केली जावी, अशी सूचना आयुक्तांनी केली. त्यानंतर, ठाणे पूर्व सॅटीस योजना अंतर्गत सुरु असलेल्या उड्डाणपुलाच्या कामाची माहिती घ्ोतली. या कामाच्या पुढील आराखड्याबाबत सादरीकरण करण्याचे निर्देश यावेळी त्यांनी दिले.
ज्ञानसाधना महाविद्यालयालगतच्या भुयारी मार्गाची पाहणी केल्यावर आयुक्तांनी पूर्व द्रुतगती महामार्गालगत तयार करण्यात आलेल्या उद्यानास भेट दिली. शिवसेनाप्रमुख बाळासाहेब ठाकरे स्मारकाला भेट देऊन तेथील कला दालन आणि व्यवस्था यांची माहिती घ्ोतली. महापालिकेने उत्तम दर्जाच्या सुविधा निर्माण केल्या असून त्यांच्या निगा-देखभालीचा खर्च निघ्ोल अशा पध्दतीने या वास्तुंची भाडे आकारणी केली जावी, अशा सूचना आयुवतांनी दिल्या. अशा प्रकारच्या वास्तुंच्या देखभाल-दुरुस्तीीची जबाबदारी जाणकारांच्या हाती देऊन तसा रितसर करारनामा करण्यात यावा, असेही आयुक्तांनी स्पष्ट केले.
तीन हात नाक्यावरील वाहनांचा होणारा खोळंबा ठाणेकरांच्या जिव्हाळ्याचा विषय आहे. त्यावर तोडगा काढण्यासाठी दीर्घकालीन उपायांबाबत विचार सुरु असल्याचेही, तीन हात नाका, मॉडेला मिल नाका येथील वाहतुकीच्या परिचलनाची माहिती घ्ोतल्यावर, आयुक्तांनी सांगितले. शहरातील चौक आणि रस्ते अरुंद झाले आहेत. ट्रॅफिकची समस्या वाढलेली आहे. त्या दृष्टीकोनातून सिग्नल रिडिझायनिंग, चौक रिडिझायनिंग करण्याची आवश्यकता असून त्यांची नोंद घ्ोतली असून संबंधित अधिकाऱ्यांना तशा सूचना दिल्या आहेत, असे आयुक्त राव यांनी सांगितले.
वागळे इस्टेट भागात पडवळनगर येथील शौचालय, रोड. नं.२२ येथील सुशोभित करण्यात आलेले सर्कल यांची आयुक्तांनी पाहणी केली. त्याचबरोबर किसननगर येथील क्लस्टर योजनेतील कामांचा आढावा आयुक्तांनी प्रत्यक्ष भेट देऊन घ्ोतला. क्लस्टर सारखा अत्यंत महत्त्वाकांक्षी प्रकल्प ठाणे येथे सुरु आहे, याचे काम प्रगतीपथावर असून त्यासाठी महापालिकेकडून जे सहकार्य लागेल ते देण्याच्या सूचना संबंधितांना दिल्या आहेत. क्लस्टर बाबत आतापर्यंत ३ बैठका घ्ोतल्या आहेत. शहराचा चेहरामोहरा तसेच येथील नागरिकांचे राहणीमान बदलण्यासाठी क्लस्टर महत्त्वपूर्ण योजना आहे. त्यामुळे ‘वलस्टर'च्या कालबध्द पूर्णत्वासाठी लवकरच ‘सिडको'च्या अधिकाऱ्यांसह बैठकही आयोजित करण्यात आल्याचे आयुक्त सौरभ राव यांनी सांगितले.
वर्तकनगर मधील सी. डी. देशमुख प्रशासकीय प्रशिक्षण संस्थेला भेट देऊन आयुक्तांनी तेथील कामकाजाची पाहणी केली. ग्रंथालय, अभ्यासिका आदी सुविधांची माहिती घ्ोत आयुवतांनी तेथील प्रशिक्षणार्थी, ग्रंथपाल यांच्याशी संवाद साधला.
या पाहणी दौऱ्यात अतिरिक्त आयुक्त (२) प्रशांत रोडे, नगर अभियंता प्रशांत सोनाग्रा, उपायुक्त मनिष जोशी, अनघा कदम, उपायुक्त शंकर पाटोळे, उपनगर अभियंता रामदास शिंदे, विकास ढोले, विनोद पवार, शुभांगी केसवानी, मुख्य पर्यावरण अधिकारी मनिषा प्रधान, सी. डी. देशमुख प्रशासकीय संस्थेचे संचालक महादेव जगताप, घाणेकर नाट्यगृहाचे व्यवस्थापक अजय क्षत्रिय, आदि उपस्थित होते.
