नमुंमपा दिंडी स्पर्धा, एकपात्री अभिनय स्पर्धेची १५ सप्टेंबर रोजी अंतिम फेरी
नमो चषक २०२५ खो-खो स्पर्धा संपन्न
पनवेल : भारतीय जनता युवा मोर्चा, पनवेल आणि उरण तर्फे उलवा नोड सेक्टर-१२ येथील रामशेठ ठाकूर पब्लिक स्कुल मागील मैदानात आयोजित ‘भव्य क्रीडा महोत्सव' अर्थात ‘नमो चषक २०२५' मध्ये प्रकाशझोतात खो-खो स्पर्धा उत्स्फूर्तपणे आणि जल्लोषात पार पडली. खो-खो स्पर्धेच्या खुल्या पुरुष गटात आशीर्वाद अ संघाने तर खुल्या महिला गटात वायुदूत क्रीडा केंद्र संघाने बाजी मारत विजेतेपद पटकावले. या स्पर्धेतील अनेक सामने चुरशीची झाले. खो-खो स्पर्धेतील सामन्यांचा आनंद क्रीडा रसिकांनी घेतला तसेच खेळाडूंना उत्स्फूर्त दाद देखील दिली.
यावेळी लोकनेते रामशेठ ठाकूर, आमदार प्रशांत ठाकूर, व आमदार महेश बालदी, स्पर्धेचे मुख्य आयोजक परेश ठाकूर आदी मान्यवर उपस्थित होते.
पारंपरिक भारतीय खेळ असलेल्या खो-खो खेळामुळे शरीर सुदृढ राहण्यास मदत होते. खो-खो खेळ खेळताना शरीराच्या सर्व भागांचा समावेश होतो. त्यामुळे शरीरासाठी उत्तम व्यायाम होत असलेल्या खो-खो या मैदानी खेळाचे क्रीडा क्षेत्रात अनन्य साधारण महत्व आहे. याशिवाय खो-खो खेळाने सामाजिक एकोपा, अखंडत्व वाढीस लागते. खेळाडूंमध्ये नेतृत्वगुण, खिलाडीवृत्ती, संघ भावना वाढीस लागते. त्यामुळे नमो चषक स्पर्धेत राज्यस्तरीय शरीरसौष्ठव, कबड्डी इतर खेळांसोबत खो-खो स्पर्धेचेही आयोजन करण्यात आले होते, असे स्पर्धेचे मुख्य आयोजक परेश ठाकूर यांनी सांगितले.
नमो चषक खो-खो स्पर्धेचा निकाल
खुला पुरुष गट
प्रथम क्रमांक - आशीर्वाद अ संघ, द्वितीय क्रमांक - वायुदूत क्रीडा केंद्र संघ (कळंबोली), तृतीय क्रमांक - आशीर्वाद सी संघ, चतुर्थ क्रमांक - फिनिक्स संघ. बेस्ट अटॅकर - ओंकार हडबव्व, बेस्ट बॅट्समन - विघ्नेश पाटील, बेस्ट पोल - सुजल वाघ, बेस्ट डाईव्ह - सौरभ, बेस्ट प्लेअर - आदित्य थुबे.
खुला महिला गट
प्रथम क्रमांक - वायुदूत क्रीडा केंद्र संघ (कळंबोली), द्वितीय क्रमांक - पनवेल जिल्हा प्रशिक्षण केंद्र संघ, तृतीय क्रमांक -महात्मा फुले महाविद्यालय, चतुर्थ क्रमांक - ब्रुडर्स स्पोर्टस संघ (कळंबोली). बेस्ट अटॅकर - निहारिका मुंडे, बेस्ट बॅट्समन - वैष्णवी खर्जे, बेस्ट पोल - मुक्ती, बेस्ट डाईव्ह - प्रज्ञा गाडे, बेस्ट प्लेअर - संजिवनी जगदाळे.
१७ वर्षाखालील मुले गट
प्रथम क्रमांक - आशीर्वाद ऍग्नेल्स संघ (कामोठे), द्वितीय क्रमांक -वायुदूत क्रीडा केंद्र संघ (कळंबोली), तृतीय क्रमांक - फिनिक्स स्पोर्टस क्लब (पनवेल), चतुर्थ क्रमांक - ब्रुडर्स स्पोर्टस संघ (कळंबोली).
१७ वर्षाखालील मुली गट
प्रथम क्रमांक - रायगड जिल्हा प्रशिक्षण केंद्र संघ (पनवेल), द्वितीय क्रमांक -वायुदूत क्रीडा केंद्र संघ (कळंबोली), तृतीय क्रमांक - महात्मा फुले महाविद्यालय संघ (पनवेल), चतुर्थ क्रमांक - ब्रुडर्स स्पोर्टस संघ (कळंबोली).
१४ वर्षांखालील मुले गट
प्रथम क्रमांक - जय हनुमान स्पोर्टस क्लब (पनवेल), द्वितीय क्रमांक - ब्रुडर्स स्पोर्टस अ संघ (कळंबोली), तृतीय क्रमांक - ब्रुडर्स स्पोर्टस ब संघ (कळंबोली), चतुर्थ क्रमांक - रायगड जिल्हा प्रशिक्षण केंद्र संघ (पनवेल). .
१४ वर्षाखालील मुली गट
प्रथम क्रमांक - रायगड जिल्हा प्रशिक्षण केंद्र संघ (पनवेल), द्वितीय क्रमांक -वायुदूत क्रीडा केंद्र संघ (कळंबोली), तृतीय क्रमांक - पीपीएम स्कूल (वेश्वी), चतुर्थ क्रमांक - जे. एम. म्हात्रे चॅरिटेबल शाळा (उरण).
