नवी मुंबई महापालिका आयुक्त निवासस्थान पत्त्यावर १५० मतदारांची नोंद
सिडकोच्या 902 सदनिकांच्या गृहनिर्माण योजनेचा 27 ऑगस्ट पासून प्रारंभ
नवी मुंबई : सिडकोतर्फे कृष्ण जन्माष्टमीच्या मुहूर्तावर नवी मुंबईतील कळंबोली, खारघर व घणसोली या विकसित नोडमधील एकूण 902 सदनिकांच्या गृहनिर्माण योजनेचा प्रारंभ दि. 27 ऑगस्ट 2024 रोजी करण्यात येणार आहे. यात आर्थिकदृष्ट्या दुर्बल घटकाकरिता 38 व सर्वसाधारण गटासाठी 175 असे एकूण 213 सदनिका तसेच सिडकोच्या खारघर येथील स्वप्नपूर्ती व वास्तूविहार-सेलिब्रेशन गृहसंकुलांतील शिल्लक 689 सदनिकांचा या गृहनिर्माण योजनेत समावेश आहे.
सिडकोतर्फे सातत्याने विविध उत्पन्न गटांतील नागरिकांकरिता गृहनिर्माण योजना राबविण्यात येत असून या वर्षी कृष्ण जन्माष्टमीच्या मुहूर्तावर जाहीर करण्यात येणा-या गृहनिर्माण योजनेद्वारे नागरिकांना सर्व पायाभूत सोयी सुविधांनी परिपूर्ण असलेल्या नवी मुंबईमध्ये आपले हक्काच्या घराचे स्वप्न साकार करण्याची संधी मिळणार आहे. या गृहसंकुलांना रेल्वे, रस्ते, मेट्रो द्वारा कनेक्टिव्हिटी लाभली आहे. सिडकोच्या नवी मुंबई आंतरराष्ट्रीय विमानतळासह सिडकोचे अन्य महत्त्वाकांक्षी प्रकल्प या गृहसंकुलांपासून नजीकच्या अंतरावर आहेत. यामुळे नागरिकांना परिपूर्ण जीवनशैली अनुभवण्याची संधी मिळणार आहे.
