नवी मुंबई महापालिका आयुक्त निवासस्थान पत्त्यावर १५० मतदारांची नोंद
पनवेल मधील पहिल्या-वहिल्या पूर्ण मॅरेथॉन स्पर्धेची तारीख जाहीर
नवीन पनवेल : रायगड जिल्ह्यात प्रथमच पूर्ण मॅरेथॉन स्पर्धेचे आयोजन करण्यात आले आहे. पनवेल शहरात येत्या १ डिसेंबर २०२४ रोजी पूर्ण मॅरेथॉन म्हणजेच ४२ किलोमीटरची स्पर्धा पार पडणार आहे. २० ऑगस्ट रोजी या मॅरेथॉन स्पर्धेच्या लोगोचे अनावरण करण्यात आले. ‘पनवेल'चे आमदार प्रशांत ठाकूर यांच्या हस्ते मॅरेथॉन स्पर्धेच्या लोगोचे अनावरण न्यू पनवेलच्या स्पाईस वाडीत डिजीटल पध्दतीने करण्यात आले. याचवेळी ‘मॅरेथॉन'शी संबंधित वेबसाईट पेजचही प्रकाशन पार पडले. यानंतर रजिस्ट्रेशनसाठी नोंदणीही सुरु झाली.
पनवेल शहराचे महत्त्व आमदार प्रशांत ठाकूर यांनी पटवून सांगताना याच मॅरेथॉन स्पर्धेसाठी सर्वतोपरी सहकार्य करण्याचे आश्वासन दिले. यासोबतच खेळाडू तयार होण्यासाठी अशा स्पर्धा आयोजित करणे गरजेचे असल्याचे प्रशांत ठाकूर म्हणाले. तर डॉ. कल्याण पाटील यांनी मॅरेथॉनचे आणि धावण्याचे आरोग्याच्या दृष्टीने महत्त्व पटवून दिले.
या कार्यक्रमासाठी रनर अजित कंबोज, डॉ. कल्याणी पाटील उपस्थित होते. तर स्पर्धेचे आयोजक सुरेश रिसबूड, प्रफुल्ल वाझे उपस्थित होते. या कार्यक्रमाचे सूत्रसंचालन कुमार ठाकूर यांनी केले.
दरम्यान, सदर मॅरेथॉन स्पर्धेसाठी नोंदणी करायची असल्यास ग्ह्ग्ीील्हहग्हु आणि ऊदैहेम्ीग्ज्ू वर ऑनलाईन पध्दतीने करता येईल. आगामी काळात या स्पर्धेच्या अनुषंगाने विविध कार्यक्रम देखील राबवण्यात येणार आहेत. याची माहिती देखील वेळोवेळी देण्यात येईल, असे आयोजकांनी सांगितले आहे.
