हार्बर रेल्वे मार्गावर प्रवाशावर किरकोळ कारणावरुन चौघा मारेक-यांचा जिवघेणा हल्ला
खारघरमधुन ई-सिगारेटचा साठा जप्त
नवी मुंबई : नवी मुंबई पोलिसांच्या अंमली पदार्थ विरोधी पथकाने बुधवारी सायंकाळी खारघर सेक्टर-4 मधिल लक्ष्मण व्हिला या इमारतीवर छापा मारुन सदर इमारतीतील गाळ्यामध्ये विक्री करण्यासाठी लपवून ठेवण्यात आलेला सुमारे 6 लाख 44 हजार रुपये किंमतीचा ई सिगारेटचा साठा जफ्त केला आहे. या कारवाईत पोलिसांनी ई-सिगारेटचा साठा करुन ठेवणा-या अर्जुन भिमा राठोड (27) याला अटक केली आहे.
खारघर सेक्टर-4 मधील श्री लक्ष्मण व्हिला इमारतीतील श्री महावीर एक्स्पेस सर्व्हिस प्रायव्हेट लिमिटेड या गाळ्यांमध्ये ई-सिगारेटचा साठा करुन ठेवण्यात आल्याची माहिती अंमली पदार्थ विरोधी पथकाला मिळाली होती. सदर माहितीच्या आधारे वरिष्ठ पोलीस निरीक्षक बी.एस.सय्यद यांनी सदर ठिकाणी कारवाई करण्याच्या सुचना दिल्यानंतर पोलीस उपनिरीक्षक कुलदिप मोरे व त्यांच्या पथकाने बुधवार दि. 3 मे रोजी सायंकाळी 4 च्या सुमारास खारघर मधील श्री महावीर एक्स्पेस सर्व्हिस प्रायव्हेट लिमिटेड या गाळ्यावर छापा टाकला.