ऐरोलीतील एटीएम मशीन फोडून 5 हजार रुपयांची लुट
ठाणे भारत सहकारी बँकेची शाखा ऐरोली सेक्टर-8ए मध्ये असून या बँकेला लागुनच एटीएम सेंटर आहे. या एटीएमसाठी बँकेने 24 तास सुरक्षारक्षक ठेवला आहे. गत 6 ते 8 मार्च या कालावधीसाठी या एटीएमवर राजेश्वर प्रसाद या सुरक्षारक्षकाला नेमण्यात आले होते. 7 मार्च रोजी धुलीवंदनच्या दिवशी सायंकाळी 7 वाजण्याच्या सुमारास या एटीएम वरील सुरक्षारक्षक चहा पिण्यासाठी गेला होता. हिच संधी साधुन एक चोरटा ठाणे भारत सहकारी बँकेच्या एटीएममध्ये घुसला. त्यानंतर त्याने एटीएम मशीनचे लॉक तोडुन एटीएम मशीनमधुन 5 हजार रुपयांची रक्कम चोरुन त्याठिकाणावरुन पलायन केले. दुसऱया दिवशी सकाळी नेहमीप्रमाणे बँक सुरु झाल्यानंतर एटीएम बंद असल्याची तक्रारी काही नागरिकांनी बँकेकडे केली.