महापालिकेच्या रुग्णांना नकार. रेफर रुग्णाला दारात अडवलं... फोर्टिसच्या बेपर्वाईला मनसेची चपराक
आर.पी.आयचे कार्यकर्ते शेकापमध्ये प्रवेश
खारघर : शेतकरी कामगार पक्षाचे जिल्हा सहचिटणीस पनवेल महानगर पालिका देवेंद्र मढवी आणि कल्पेश तोडीकर यांच्या मार्गदर्शनाखाली आर.पी.आय. चे गणेश पाटेकर यांच्या समवेत शेकडो आर पी आयच्या कार्यकर्त्यांनी कोकण शिक्षक मतदार संघाचे आमदार बाळाराम पाटील यांच्या उपस्थितीत शेतकरी कामगार पक्षात प्रवेश केला.या वेळी आम. बाळाराम पाटील यांनी आपल्या सर्वांना शेकापमध्ये सन्मानाची वागवणूक मिळेल. तसेच कोणतेही खोटे आश्वासन दिले जाणार नाही. गेली दहाबारा वर्षे या ठिकाणी पैशाचे अमिष आणि खोटे अश्वासन देऊन आपली पोळी भाजली जात आहे. असा टोला भाजपला लावला, ते पुढे म्हणाले खारघरमध्ये फक्त शेतकरी कामगार पक्षानेच विकासाची कामे केली आहेत. आजचे पक्ष प्रवेश करणारे कार्यकर्ते हे धगधगते निखारे आहेत. याप्रसंगी शेतकरी कामगार पक्षाचे जिल्हा सहचिटणीस पनवेल महानगर पालिका देवेंद्र मढवी, कल्पेश तोडीकर, मदन पवार, नरेश पाटील, दिलीप ठाकूर, अशोक म्हात्रे, संतोष तांबोळी नरेश शेळके जगदीश नावडेकर विनोद लाड विलास कदम उमेश पाटील आदी मान्यवर उपस्थित होते.
