महापालिकेच्या रुग्णांना नकार. रेफर रुग्णाला दारात अडवलं... फोर्टिसच्या बेपर्वाईला मनसेची चपराक
25 टक्के आर.टी.ई प्रवेश प्रक्रियेस सुरुवात
ठाणे :- जिल्ह्यात सन 2022-23 या शैक्षणिक वर्षाकरिता आर.टी.ई 25 टक्के ऑन लाईन प्रवेश प्रक्रियेस सुरुवात झाली आहे. पालकांनी बालकांची अर्ज नोंदणी https://student.maharashtra.gov.in/adm_portal/Users/rteindex या वेबसाईट वर दिनांक 28 फेब्रुवारी 2022 पर्यंत करण्याचे आवाहन प्राथमिक शिक्षणाधिकारी यांनी केले आहे.
बालकाच्या मोफत आणि सक्तीच्या शिक्षण हक्क कायद्यांतर्गत वंचित व दुर्बल घटकातील मुलांसाठी अनुदानित आणि विना अनुदानित शाळांमध्ये 25 टक्के ऑनलाईन प्रवेश प्रक्रिया राबवली जाते. यंदा सर्व पंचायत समिती व महानगर पालिका मध्ये एकूण 648 शाळा पात्र असून इयत्ता 1 ली साठी 11469 व पूर्व प्राथमिक साठी 798 जागा उपलब्ध आहेत.
पालकांना ही प्रवेश प्रक्रीया सुलभ होण्याच्या दृष्टीने ऑन लाईनप्रक्रियेत अर्ज नोंदणीबाबत मार्गदर्शक पुस्तिका (User Manual) , आवश्यक कागदपत्र इत्यादीबाबत सर्व माहिती शासनाच्या वरील वेबसाईट वर उपलब्ध करून देण्यात आलेली आहे.
हे घटक प्रवेश घेऊ शकतात
या प्रवेश प्रक्रियेत SC/ST/NT/OBC/SBC हे वंचित घटक प्रवेश घेऊ शकतात. तसेच 1 लाखापेक्षा कमी उत्पन्न असणाऱ्या पालकांच्या बालकांना आणि 40 टक्के दिव्यांग असणाऱ्या बालकांना आर.टी. ई च्या माध्यमातून प्रवेश घेता येतो.
