प्रतिक्षा संपली! गव्हाण फाटा रेल्वे क्रॉसिंग पुल वाहतुकीसाठी खुला
१,६०० सीसीटीव्ही कॅमेरे; ५४६ कि.मी.चा प्रवास
ठाणे : आईला रस्ता ओलांडण्यास मदत करण्याच्या बहाण्यानेचिमुरडीचे अपहरण करणाऱ्या ३ जणांना ठाणे पोलिसांनी अटक केली आहे. तब्बल १,६०० सीसीटीव्ही कॅमेरे स्कॅन करुन आणि ५४६ किलोमीटर अंतर कापून, पोलिसांनी अवघ्या ६ दिवसांत अपहरणाचा गुन्हा उलगडला. ठाणे पोलीस आयुक्तालयाच्या अंतर्गत येणाऱ्या मुंब्रा पोलीस ठाण्यातील ४ पथकांनी सदर प्रशंसनीय कारवाई करुन ३ महिन्यांच्या आफियाला तिच्या आईशी सुरक्षितपणे जोडले. तिच्या अपहरण झालेल्या मुलाला तिच्या हातात परत पाहून आई आनंदाने अश्रू ढाळली. यावेळी तिच्या आनंदाला सीमा नव्हती.
मुंब्रा कौसाच्या खादी मशीन परिसरातील अजमेरी हाईटस् येथील रहिवासी फरजाना मॅन्सन (२३) २२ जानेवारी रोजी संध्याकाळी ६ वाजता तिच्या २ मुलींसह डीसीबी बँकेसमोरून रस्ता ओलांडत होती. ती तिची ३ महिन्यांची बाळ आफियाला घ्ोऊन जात होती, तर तिची मोठी मुलगी अनाबिया रडत होती. त्याच क्षणी जवळच उभी असलेली अज्ञात महिला मदत करण्याच्या बहाण्याने तिच्याकडे आली. ती म्हणाली, लहान बाळ मला द्या, मीही पलीकडे जात आहे, बाळाला आपल्या हातात घेऊन पळून गेली.
तक्रार दाखल होताच वरिष्ठ पोलीस अधिकाऱ्यांच्या मार्गदर्शनाखाली मुंब्रा पोलीस ठाण्याचे वरिष्ठ पोलीस निरीक्षक अनिल शिंदे यांनी ४ पोलिस पथके तैनात केली. या पथकांनी मुंब्रा, ठाणे ते सीएसएमटी आणि मुंबई ते वांगणी रेल्वे स्थानक आणि जवळपासच्या परिसरात सुमारे १,६०० सीसीटीव्ही कॅमेरे तपासले. तपासादरम्यान, गुन्हे शोध युनिटचे अधिकारी पीएसआय सावंत यांनी समांतर तपास करताना असे आढळून आले की, अपहरणकर्त्याने पोलिसांपासून वाचण्यासाठी तिचे स्वरुप आणि बाळाला गुंडाळलेले कापड बदलले होते. त्यानंतर ती मुंब्रा रेल्वे स्थानकावरील प्लॅटफॉर्म क्रमांक- वर परतली, जिथे तिने बाळाला तिची वाट पाहत असलेल्या जोडप्याला दिले. त्यानंतर सदर जोडपे सीएसएमटीला जाणाऱ्या लोकल ट्रेनमध्ये चढले आणि गायब झाले.
पोलीस आयुक्त आशुतोष डोंगरे, सह पोलीस आयुक्त ज्ञानेश्वर चव्हाण, अतिरिक्त पोलीस आयुक्त विनायक देशमुख, पोलीस उपायुक्त सुभाष चंद्र बोरसे आणि सहाय्यक पोलीस आयुक्त प्रिया डमाळे यांच्या मार्गदर्शनाखाली, वरिष्ठ पोलीस निरीक्षक अनिल शिंदे यांच्या नेतृत्वाखाली मुंब्रा पोलिसांच्या पथकाने अनेक अधिकारी आणि कर्मचाऱ्यांसह फरार महिलेचा शोध पुन्हा सुरू केला.
माहिती देणाऱ्या आणि तांत्रिक माहितीच्या मदतीने पोलिसांनी नसरीन शेखला इंशानगर येथून शोधून ताब्यात घेतले. चौकशीदरम्यान तिने गुन्ह्याची कबुली दिली आणि बाळ अकोला जिल्ह्यातील पातूर येथील खेत्री गावात असल्याचे सांगितले. या माहितीवरुरून कारवाई करून पोलिसांनी मोहम्मद मुजीब गुलाब आणि खैरुनिसा मुजीब मोहम्मद यांना अटक केली. त्यांच्या ताब्यातून बाळाला सुखरुप परत करण्यात आले आणि ते तिच्या आईकडे परत देण्यात आले.
-आशुतोष डुंबरे, पोलीस आयुक्त-ठाणे.
