नवी मुंबई आंतरराष्ट्रीय विमानतळासमोरील रस्त्यावरील पहिल्या अपघातात तीन वाहनाचा भीषण अपघात
मावळते सीईओ रोहन घुगे यांचा ‘जिल्हा परिषद'तर्फे सन्मान
ठाणे : जळगांवचे जिल्हाधिकारी म्हणून नियुवती झालेले ‘ठाणे जिल्हा परिषद'तर्फे मावळेत मुख्य कार्यकारी अधिकारी रोहन घुगे यांचा सन्मान सोहळा १० ऑक्टोबर रोजी जिल्हाधिकारी कार्यालयातील नियोजन भवन येथे जिल्हाधिकारी डॉ. श्रीकृष्ण पांचाळ यांच्या अध्यक्षतेखाली संपन्न झाला.
या प्रसंगी खासदार सुरेश म्हात्रे उर्फ बाळ्या मामा, रोहन घुगे यांच्या पत्नी डॉ. मिहिका घुगे तसेच त्यांचे कुटुंबीय उपस्थित होते. ठाणे जिल्हा परिषद परिवार, विविध विभाग प्रमुख, अधिकारी-कर्मचारी, सामाजिक संस्था आणि ग्रामविकास संघटनांनी मोठ्या संख्येने उपस्थित राहून त्यांचा सन्मान केला.
जिल्हाधिकारी डॉ. श्रीकृष्ण पांचाळ यांनी आपल्या मनोगतात म्हटले की, रोहन घुगे यांनी ठाणे जिल्ह्यात कार्यरत असताना पारदर्शक, लोकाभिमुख आणि गतिमान प्रशासनाचे उत्कृष्ट उदाहरण साकारले. त्यांच्या नेतृत्वाखाली ठाणे जिल्हा प्रशासनाने राज्यात लौकिक मिळवला असल्याचे जिल्हाधिकारी डॉ. श्रीकृष्ण पांचाळ म्हणाले.
खा. सुरेश म्हात्रे यांनी मुख्य कार्यकारी अधिकारी रोहन घुगे यांनी ‘जिल्हा परिषद'च्या माध्यमातून परिणामकारक प्रशासनाचे उत्कृष्ट उदाहरण निर्माण केल्याचे सांगितले. त्यांच्या कार्यकाळात जिल्हा परिषदेचा प्रत्येक उपक्रम हा केवळ शासकीय न राहता लोकांच्या सहभागातून साकार झाला.
‘जिल्हा परिषद'च्या प्रत्येक विभागाने नाविन्यपूर्ण कामकाजासाठी पुढाकार घेतला, त्यामुळेच ठाणे जिल्हा परिषद १०० दिवस कृती कार्यक्रमांतर्गत राज्यात प्रथम आली. ते सर्वांचे संयुक्त यश आहे. सहकाऱ्यांच्या समन्वयातून आणि प्रामाणिक प्रयत्नांमुळे अनेक लोकाभिमुख उपक्रम यशस्वीरित्या राबवता आले. जिल्ह्यातील सामाजिक संस्था, संघटना आणि नागरिकांनी प्रशासनाला दिलेले सहकार्य अविस्मरणीय आहे. लोकाभिमुख काम करताना ग्रामस्थांच्या चेहऱ्यावर उमटलेला आनंद हेच माझ्या कामाचे खरे समाधान आहे, अशा भावना रोहन घुगे यांनी सत्काराला उत्तर देताना व्यवत केल्या.
कार्यक्रमाचे प्रास्ताविक उपमुख्य कार्यकारी अधिकारी (सामान्य प्रशासन) अविनाश फडतरे यांनी केले.
या प्रसंगी ‘शिवसेना'चे प्रकाश पाटील, अपर आयुक्त माणिकराव दिवे, अपर जिल्हाधिकारी हरिश्चंद्र पाटिल, शल्यचिकित्सक डॉ. कैलास पवार, प्रकल्प संचालक छायादेवी शिसोदे, अतिरिक्त मुख्य कार्यकारी अधिकारी अजिंक्य पवार, निवासी उपजिल्हाधिकारी डॉ. संदीप माने, जिल्हा नियोजन अधिकारी वैभव कुलकर्णी, उपमुख्य कार्यकारी अधिकारी (ग्रामपंचायत) प्रमोद काळे, जिल्हा आरोग्य अधिकारी डॉ. गंगाधर परगे, शिक्षणाधिकारी (प्राथमिक) बाळासाहेब राक्षे, कार्यकारी अभियंता (बाधंकाम) पद्माकर लहाने, प्रकाश सासे, युवराज कदम, कृषी विकास अधिकारी एम. एम. बाचोटीकर, समाज कल्याण अधिकारी उज्वला सकपाळे,तसेच ‘जिल्हा परिषद'चे अधिकारी-कर्मचारी, शिक्षक आणि सामाजिक संस्थांचे प्रतिनिधी उपस्थित होते.
कार्यक्रमाचे आभारप्रदर्शन मुख्य लेखा-वित्त अधिकारी वैजनाथ बुरुडकर यांनी केले. कार्यक्रमाचे सूत्रसंचालन डॉ. तरुलता धनके आणि प्राथमिक शिक्षक रविंद्र तरे यांनी केले.
