ब्रिजखालील ४८ बेघरांवर महापालिका तर्फे कारवाई
नवी मुंबई : नवी मुंबई महापालिका आयुक्त डॉ. कैलास शिंदे यांच्या निर्देशानुसार महापालिका अतिरिक्त आयुक्त (२) डॉ. राहुल गेठे आणि उप आयुक्त (अतिक्रमण) भागवत डोईफोडे यांच्या मार्गदर्शनाखाली महापालिका अतिक्रमण विभाग मार्फत बेलापूर विभागातील ब्रिजखालील बेघरांना हटविण्याची कारवाई करण्यात आली.
या कारवाईत महापालिका बेलापूर अे विभाग कार्यालय मार्फत सीवूडस सेक्टर-४२ मधील एल ॲण्ड टी ब्रिज खालील ४८ बेघर हटविण्यात आले.
यावेळी बेलापूर विभाग सहाय्यक आयुक्त तथा विभाग अधिकारी डॉ. अमोल पालवे, कनिष्ठ अभियंता आत्माराम काळे यांच्यासह अे विभाग बेलापूर कार्यालयातील अधिकारी-कर्मचारी तसेच अतिक्रमण विभागातील पोलीस तैनात होते. या कारवाईकरीता ८ मजूर, १ आयचर वाहन यांचा वापर करण्यात आला.
दरम्यान, महापालिका अतिक्रमण विभाग मार्फत नवी मुंबई महापालिका क्षेत्रातील ब्रिजखालील बेघरांना हटविण्याची कारवाई यापुढे तीव्र करण्यात येणार आहे, असे महापालिका अतिरिक्त आयुक्त (२) डॉ. राहुल गेठे यांनी सांगितले.
