हार्बर रेल्वे मार्गावर प्रवाशावर किरकोळ कारणावरुन चौघा मारेक-यांचा जिवघेणा हल्ला
फोर्टीस हॉस्पिटल मध्ये डायबेटिक फुट क्लिनिक सुरु
नवी मुंबई मधील पहिल्या ‘डायबेटिक फुट क्लिनिक'चा शुभारंभ
नवी मुंबई ः वाशी येथील फोर्टीस-हिरानंदानी हॉस्पिटलमध्ये नवी मुंबईतील पहिले डायबेटिक फुट क्लिनिक सुरु करण्यात आले आहे. या ‘डायबेटिक फुट क्लिनिक'चे उद्घाटन ‘नवी मुंबई'चे सह-पोलीस आयुवत संजय मोहिते आणि १९८४ पासून या क्षेत्रात कार्यरत असणारे सुप्रसिध्द डायबेटिक फुट सर्जन डॉ. अरुण बाळ यांच्या हस्ते ५ जानेवारी रोजी करण्यात आले. याप्रसंगी डॉ. एस. नारायणी, फोर्टीस हॉस्पिटलचे फॅसिलिटी डायरेवटर डॉ. नितीन कमारिया, वैद्यकीय अधीक्षक डॉ. तृप्ती यांच्यासह ‘डायबेटिक फुट क्लिनिक'च्या प्रमुख इंटर्नल मेडिसीन विभागाच्या संचालक डॉ. फराह इंगळे, कन्सलटन्ट-जनरल (लॅप्रोस्कोपिक सर्जरी) डॉ. रोजी फिलिप, सीनिअर कन्सल्टन्ट (नेफ्रोलॉडी, ट्रान्सप्लान्ट फिजिशियन) डॉ. अतुल इंगळे, डायरेवटर (हेड कार्डिओलॉजी) डॉ. अनिल पोतदार, सिनिअर कन्सलटन्ट (न्युरोलॉजी) डॉ. पवन ओझा, आदि उपस्थित होते.
दरम्यान, ‘डायबेटिक फुट क्लिनिक'मुळे आता मधुमेहाच्या रुग्णांना आपल्या गरजांवरील सर्वांगिण उपचार एकाच छताखाली मिळू शकणार आहेत. मधुमेहाच्या रुग्णांना डायबेटिक फुट सह अनेक प्रकारच्या समस्यांचा सामना करावा लागत असतो. बरेचदा या रुग्णांच्या पावलांना पुरेशा प्रमाणात रक्तपुरवठा होत नसल्याचे जाणवते. या गोष्टीचा त्यांच्या जीवनशैलीवर मोठा परिणाम होतो. चालणे कठीण होते आणि गंभीर प्रकरणांमध्ये पाय शस्त्रक्रियेने कापून टाकावा लागतो. या समस्येकडे वेळच्यावेळी लक्ष पुरविणे आणि रुग्णांना अत्यावश्यक अशा शस्त्रक्रियात्मक, वैद्यकीय उपाययोजना पुरविणे ‘डायबेटिक फुट क्लिनिक'चा हेतू आहे. या क्लिनिक द्वारे स्क्रिनिंग, पॅथोलॉजी, जखमांची देखभाल, शस्त्रक्रियात्मक उपचार आणि इतर उपचार प्रक्रियांसह अनेक सोयीसुविधा पुरविल्या जातील.
मधुमेहाच्या रुग्णांमध्ये पावलांशी संबंधित समस्या सर्रास दिसून येतात. ज्यांच्याकडे लक्ष देणे आणि डॉक्टरांच्या टीमच्या परस्पर समन्वयातून त्यावर उपचार केले जाणे आवश्यक आहे. या समस्यांचा रुग्णाच्या आयुष्यावर विपरित परिणाम होण्यापूर्वी त्यांच्यावर उपचार सुरु करणे अत्यंत महत्त्वाचे आहे. याबाबतीत रुग्णांना आवश्यक असलेल्या देखभालीच्या उपलब्धतेत असलेल्या त्रुटी भरुन काढण्याच्या दृष्टीने आणि वेळच्या वेळी मिळालेले उपचार आणि प्रतिबंधात्मक कृतींमुळे होणाऱ्या दीर्घकालीन फायद्यांबद्दल मधुमेहाच्या रुग्णांमध्ये जागरुकता निर्माण करण्याच्या दृष्टीने ‘डायबेटिक फुट क्लिनिक' फायदेशीर ठरेल, असे सह-पोलीस आयुवत संजय मोहिते यांनी यावेळी बोलताना सांगितले.
भारतामध्ये मधुमेहाचे ७.८ कोटी रुग्ण आहेत, ज्यापैकी १५ टक्के लोकांमध्ये पायांच्या समस्या आढळून येतात. या १५ टक्के लोकांपैकी १ टक्का लोकांना आपला पाय गमवावा लागतो. मधुमेहाच्या प्रत्येक रुग्णाने वर्षातून एकदा आपल्या पायाची तपासणी करुन घ्यावी. आपल्या नसा, रक्तवाहिन्या आणि सांध्याचे काम कसे चालले आहे ते तपासून घेतले तर सदरची समस्या टाळता येण्याजोगी आहे. मात्र, बहुतांश रुग्ण आपल्या हातापायांकडे दुर्लक्ष करतात. त्याऐवजी ते डोळे, किडनी, हृदय आदिंच्या नियमित तपासण्या करुन घेण्यास प्राधान्य देतात, असे डायबेटिक फुट सर्जन डॉ. अरुण बाळ यांनी सांगितले. पावलांचा अल्सर असलेल्या रुग्णांची संख्या प्रोस्टेट कॅन्सर, ब्रेस्ट कॅन्सर आणि त्वचरोगांचा सामना करणाऱ्या रुग्णांच्या तुलनेत अधिक आहे. तसेच पेरिफेरल व्हॅस्क्युलर डिसीस (रक्तपुरवठ्यामध्ये अडथळा येणे) असलेल्या मधुमेहींमधील मृत्युचे प्रमाण खूप अधिक असून याची संख्या स्वादुपिंड आणि फुपफुसाच्या कॅन्सर खालोखाल सर्वाधिक आहे. असे असतानाही पावलांची तपासणी नियमितपणे केली जात नसल्यामुळे या आजारामुळे होणाऱ्या मृत्युची संख्या दुर्लक्षित राहत आहे, अशी खंत डॉ. बाळ यांनी व्यवत केली.
