महाआवास अभियान-ग्रामीण अंतर्गत मुख्यमंत्री उध्दव ठाकरे यांच्या उपस्थितीत ई-गृहप्रवेश
नवी मुंबई ः महाआवास योजना अभियान-ग्रामीण अंतर्गत ई-गृहप्रवेश कार्यक्रमात प्रातिनिधिक स्वरुपात मुख्यमंत्री उध्दव ठाकरे यांच्या हस्ते घरकुलाच्या चावीचे वाटप करण्यात आले. विभागीय स्तरावर कोकण विभागीय आयुक्त अण्णासाहेब मिसाळ यांच्या हस्ते प्रातिनिधिक स्वरुपात लाभार्थाना घरकुल चावीचे वाटप करण्यात आले. कोकण विभाग आणि ग्रामीण विकास यंत्रणा जिल्हा परिषद ठाणे यांच्या वतीने आयुक्त कार्यालयात ई-गृहप्रवेश कार्यक्रम संपन्न झाला.
मुख्यमंत्री उध्दव ठाकरे यांच्या हस्ते सह्याद्री अतिथीगृहात झालेल्या ई-गृहप्रवेशाच्या कार्यक्रमात ठाणे जिल्ह्यातील पांडू गणपत दरोडा आणि रसिक रवींद्र गायकवाड त्याचबरोबर पालघर जिल्हयातील सोनी संदेश महाले, सुरेश पांडुरंग धिंडा आणि अशोक काशिनाथ घागरे या लाभाथ्र्यांना घरकुल चावीचे वाटप करण्यात आले.
याप्रसंगी जिल्हा परिषद अध्यक्षा पुष्पा गणेश पाटील, ठाणे जिल्हाधिकारी राजेश नार्वेकर, ठाणे जिल्हा परिषदचे मुख्य कार्यकारी अधिकारी डॉ. भाऊसाहेब दांगडे, उपायुक्त (प्रशासन) मनोज रानडे, उपायुक्त (विकास) गिरीष भालेराव, सहाय्यक आयुक्त (विकास) मनिषा देवगुणे, उपायुक्त (चौकशी) डी.वाय.जाधव, प्रकल्प संचालक (जिल्हा ग्रामीण विकास यंत्रणा) छायादेवी शिसोदे, आदि उपस्थित होते.
सर्क्रिंसाठी घरे-२०२२ असे शासनाचे महत्त्वाचे धोरण असून याअनुषंगाने राज्यात प्रधानमंत्री आवास योजना-ग्रामीण अंतर्गत आवास दिनाचे औचित्य साधून राज्यात प्रधानमंत्री आवास योजना-ग्रामीण, रमाई आवास योजना, शबरी आवास योजना, पारधी आवास योजना, आदिम विकास योजना, यशवंतराव चव्हाण मुक्त वसाहत योजना, अटल कामगार बाल आवास योजना अशा सर्व ग्रामीण गृहनिर्माण योजना अधिक गतिमान करण्यासाठी आणि त्यात गुणवत्ता आणण्यासाठी २० नोव्हेंबर २०२० ते ५ जून २०२१ या कालावधीत महा आवास अभियान-ग्रामीण शासनामार्पÀत राबविण्यात आले आहेत. या अभियानात कोकण विभागाने दमदार कामगिरी करत लाभाथ्र्यांचे पक्क्या घरांचे स्वप्न साकार केले.
यावेळी विभागस्तरावरील प्रधानमंत्री आवास योजना अंतर्गत सोमा धर्मा फडके (मु.ढाकणे ता.शहापूर,), रमाई आवास योजना अंतर्गत सागर नामदेव कांबळे (मु.साठगाव ता.शहापूर), शबरी आवास योजना अंतर्गत प्रकाश राघो दरोडा (मु.कोठारे ता.शहापूर), आदिम आवास योजनेत जनाबाई काशिनाथ भोईर (मु.नांदिठणे ता.भिवंडी.) तसेच जिल्हास्तरावरील ठाणे जिल्ह्यातील प्रधानमंत्री आवास योजना मध्ये श्वेता नामकुडा (मु.वडपे ता.भिवंडी), रमाई आवास योजना अंतर्गत लखन रमेश कांबळे (मु.कांबे ता.भिवंडी), शबरी आवास योजना अंतर्गत पुंडलिक नारायण देसले (मु.बेळवली बुद्रुक ता.शहापूर) या लाभाथ्र्यांना मान्यवरांच्या हस्ते घरकुल चावीचे वाटप करण्यात आले.
