नवी मुंबई महापालिका अधिकारी, कर्मचारी यांच्या पात्र कुटुंबियांना अनुकंपा तत्वावर नोकरीत सामावेश
२०१८ पासून अनुकंपा तत्वावर नोकरीच्या प्रतिक्षेतील १३ जणांना महापालिकेतर्फे नियुवती
नवी मुंबई ः २०१८ पासून अनुकंपा तत्वावर नोकरीसाठी अर्ज दाखल केलेल्या महापालिका सेवेत असताना मृत्यू झालेल्या महापालिका अधिकारी-कर्मचारी यांच्या पात्र कुटुंबियांच्या प्रतिक्षा सूचीतील अर्जावर निर्णय घ्ोत, १३ कुटुंबियांना कार्यालयीन प्रक्रिया पारदर्शकपणे पूर्ण झाल्यानंतर महापालिका आयुवत अभिजीत बांगर यांनी अनुकंपा तत्वावर लिपीक-टंकलेखक पदावर थेट नियुक्ती देण्याचे आदेश दिले आहेत.
नवी मुंबई महापालिका सेवेत असताना ज्या अधिकारी, कर्मचारी यांचा मृत्यू झाला आहे अशा अधिकारी, कर्मचारी यांच्या पात्र कुटुंबियांना अनुकंपा तत्वावर नोकरीत सामावून घ्ोण्याबाबतची तरतूद आहे. अशा प्रकारचे प्रस्ताव सन २०१८ पासून प्रलंबित होते. दिवंगत महापालिका कर्मचाऱ्यांच्या कुटुंबियांसाठी अत्यंत जिव्हाळ्याच्या असलेल्या या विषयाकडे प्राधान्याने लक्ष देण्याचे निर्देश महापालिका आयुक्त अभिजीत बांगर यांच्या वतीने प्रशासन विभागास देण्यात आले होते. त्यावर कार्यवाही करीत सन २०१८ नंतर पहिल्यांदाच महापालिका सेवेत असताना मृत्यू झालेल्या १३ अधिकारी, कर्मचारी यांच्या पात्र कुटुंबियांना २४ ऑगस्ट रोजी लिपीक-टंकलेखक पदावर नियुक्ती आदेश देण्यात आलेले आहेत.
नागरिकांना दर्जेदार सेवासुविधा विहित कालावधीत पुरविण्याप्रमाणेच महापालिका आयुक्त अभिजीत बांगर यांचे सेवा पुरविण्यासाठी कार्यरत असणाऱ्या महापालिकेच्या अधिकारी, कर्मचारी यांच्या सेवाविषयक विविध बाबीकडे प्राधान्याने लक्ष आहे. त्या अनुषंगाने अधिकारी, कर्मचारीवृंदाचे मागील बऱ्याच वर्षापासून प्रलंबित असलेले अनेक प्रश्न आयुक्तांनी विशेष लक्ष दिल्याने प्रशासन विभागाच्या माध्यमातून मार्गी लागले आहेत.
मागील एका वर्षात ४६७ कर्मचाऱ्यांना आश्वासित प्रगती योजनेचा लाभ मिळालेला असून २९२ अधिकारी, कर्मचारी यांना वर्ग-१ मधील उपआयुक्त ते वर्ग-३ मधील विविध पदांमध्ये पदोन्नत्या देण्यात आलेल्या आहेत. २३ ऑगस्ट रोजी ३ वाहन चालकांना त्यांच्या शैक्षणिक आणि इतर आवश्यक पात्रतेनुसार लिपीक-टंकलेखक पदावर बदलीने नियुक्ती देण्यात आलेली आहे.
नवी मुंबई महापालिका आकृतीबंधास २१ ऑगस्ट २०१७ रोजी शासन मंजुरी प्राप्त झाली असून ३० मार्च २०२१ च्या शासन अधिसुचनेनुसार सेवाप्रवेश नियमावली लागू करण्यात आलेली आहे. यामधील शैक्षणिक आणि तांत्रिक अहर्तेनुसार अनुकंपा तत्वावर नोकरीसाठी प्राप्त अर्जांमधील क संवर्गातील १० तसेच ड संवर्गातील १८ पात्र अर्जदारांचा प्रस्ताव अधिसंख्य पदाच्या मान्यतेकरिता शासन मान्यतेसाठी सादर करण्यात आला आहे. परंतु, दरम्यानच्या काळात महापालिकेच्या आस्थापनेवर कार्यरत लिपीक-टंकलेखक पदावरील कर्मचाऱ्यांची वरिष्ठ पदावर पदोन्नती झाल्याने त्या जागा रिक्त झाल्या. या जागांवर अनुकंपा तत्वावर नोकरीसाठी अर्ज केलेल्या अर्जदारांच्या प्रतिक्षा सूचीतील
अहर्ताधारक १३ पात्र अर्जदारांना लिपीक-टंकलेखक पदावर नियुक्ती देण्यास महापालिका आयुक्त अभिजीत बांगर यांनी मान्यता दिल्यानंतर तसे नियुक्ती आदेश संबंधितांना प्रशासन विभागामार्फत देण्यात आले आहेत.
वाहन चालक, सुरक्षा रक्षक, कक्षसेविका, स्वच्छता निरीक्षक, अग्निशामक, लिपीक, प्रयोगशाळा तंत्रज्ञ अशा विविध पदांवर महापालिकेत नोकरी करत असताना आमचे आई किंवा वडील यांचा मृत्यू झाल्याने कुटुंबावर अचानक ओढविलेल्या संकटातून सावरण्यासाठी महापालिका सेवेत सामावून घ्ोतल्याने सदरचा निर्णय आमच्यासाठी फार मोठा आधार असल्याची भावना नियुक्ती आदेश घ्ोताना नवनियुक्त कर्मचाऱ्यांनी व्यक्त केली.
