माझा गणेशोत्सव माझा मताधिकार गणेशोत्सव देखावा सजावट स्पर्धा
ठाणे ः महाराष्ट्र राज्य मुख्य निवडणूक अधिकारी कार्यालयाने ‘माझा गणेशोत्सव माझा मताधिकार' या विषयासंबंधी गणेशोत्सव देखावा सजावट स्पर्धा आयोजित केली आहे. स्पर्धेचे यंदा दुसरे वर्ष असून, सार्वजनिक गणेशोत्सव मंडळाबरोबरच नागरिकांना देखील या स्पर्धेत सहभागी होता येणार आहे. गणेशोत्सव मंडळांनी आणि घरगुती गणेशोत्सव सजावटीच्या स्पर्धकांनी ३१ ऑगस्ट २०२२ ते ९ सप्टेंबर २०२२ कालावधीत https://forms.gle/6j7ifuUA4YSRZ6AU7 या गूगल फॉर्ममध्ये माहिती भरुन आपली देखावा सजावटीची छायाचित्रे आणि ध्वनिचित्रफित पाठववून या स्पर्धेत सहभागी व्हावे, असे आवाहन ठाणे जिल्हाधिकारी तथा जिल्हा निवडणूक अधिकारी राजेश नार्वेकर यांनी केले आहे.
दरवर्षी भाद्रपद महिन्यातील गणेश चतुर्थी दिनी महाराष्ट्रातील गणेश भक्तांच्या तसेच सार्वजनिक गणेशोत्सव मंडळांच्या गणेशाचे आगमन होते अन् वातावरण चैतन्याने भरुन जाते. स्वातंत्र्यपूर्व काळात समाज प्रबोधनासाठी सुरु केलेली सार्वजनिक गणेशोत्सवाची परंपरा महाराष्ट्र आजही त्याच हिरिरीने जपतो आहे. याच प्रयत्नाचा एक भाग म्हणून महाराष्ट्र राज्य मुख्य निवडणूक अधिकारी कार्यालयाने 'माझा गणेशोत्सव माझा मताधिकार' या विषयासंबंधी गणेशोत्सव देखावा सजावट स्पर्धा आयोजित केली आहे. सार्वजनिक मंडळ तसेच घरगुती गणेशाची स्थापना करण्यात येते. यावेळी करण्यात येणाऱ्या सजावटीमध्ये मताधिकार १८ वर्षावरील नागरिकाचा कायदेशीर अधिकार आहे. त्यासाठी प्रत्येक नागरिकाने आपले नाव मतदार यादीत नोंदवणे आणि मताधिकार बजावणे, मतदार यादीतील दुबार नावे वगळण्यासाठी मतदार ओळखपत्राला आधार कार्ड जोडणे, असे सूत्र केंद्रस्थानी ठेवून मंडळांनी देखाव्याच्या माध्यमातून तर घरगुती पातळीवर गणेश-मखराची सजावट, गणेश दर्शनासाठी घरी येणाऱ्या भाविकांमध्ये यासंबंधीची जागरुकता करण्यासाठी अभिनव कल्पना राबविता येतील. तसेच मताधिकार बजावताना जात, धर्म, पंथ निरपेक्ष राहून लोकप्रतिनिधी निवडणे, पैसे किंवा इतर आमिषांना बळी न पडता मताधिकार बजावणे, यासारख्या विषयावर देखावा, सजावटीतून जागृती करता येऊ शकते. या देखाव्याची छायाचित्रे, ध्वनिचित्रफित ‘माझा गणेशोत्सव, माझा मताधिकार' या स्पर्धेसाठी पाठविता येणार आहे. यासंदर्भात मुख्य निवडणूक अधिकारी कार्यालयाच्या प्ूूज्ेः//मद.स्ीप्ीीीेप्ूीी.ुदन्.ग्ह या संकेतस्थळावर आणि समाजमाध्यमांवर या स्पर्धेची सविस्तर नियमावली देण्यात आलेली आहे. स्पर्धेत सहभागी घ्ोण्यासाठी गणेशोत्सव मंडळांनी आणि घरगुती गणेशोत्सव सजावटीच्या स्पर्धकांनी ३१ ऑगस्ट ते ९ सप्टेंबर २०२२ या कालावधीत प्ूूज्ेः//दिीस्े.ुत या गूगल फॉर्मद्वारे माहिती भरणे आवश्यक आहे.
‘देखावा सजावट स्पर्धा' बरोबरच सार्वजनिक गणेशोत्सव मंडळांनी मतदार ओळखपत्राला आधार कार्डाची जोडणी, मतदार नोंदणी, नाव वगळणी, तपशिलातील दुरुस्त्या, नवीन सुधारणान्वये मतदार नोंदणीसाठी लागू झालेल्या चार अर्हता तारखा या विषयासंबंधी प्रसार-प्रचार करावा. तसेच अधिकाधिक मंडळांनी आणि नागरिकांनी या उपक्रमामध्ये सहभागी व्हावे, असे आवाहनही ठाणे जिल्हाधिकारी राजेश नार्वेकर यांनी केले आहे.
