परवानगीपेक्षा अतिरिक्त वृक्ष छाटणी
नवी मुंबई शहरात सर्वत्र वाढलेल्या झाडांच्या फांद्या छाटण्यांचे काम वेगात सुरु
वाशी ः नवी मुंबई महापालिका उद्यान विभाग मार्फत मान्सून पूर्व झाडांच्या वाढलेल्या फांद्यांची छाटणी करण्याचे आदेश दिले जातात. तर खाजगी हौसिंग सोसायटीमध्ये महापालिका परवानगीने झाडांच्या वाढलेल्या फांद्यांची छाटणी केली जाते. मात्र, झाडांच्या वाढलेल्या फांद्यांची छाटणी करताना क्षमतेपेक्षा अधिक अतिरिक्त वृक्ष छाटणी करण्याचे प्रमाण वाढत चालले आहे. या प्रकाराकडे महापालिका उद्यान विभागाचे पुरते दुर्लक्ष होत असल्याने पर्यावरण प्रेमी नाराजी व्यक्त करीत आहेत.
पावसाळयात धोकादायक वृक्ष उन्मळून पडण्याच्या घटना दरवर्षी घडत असतात. त्यामुळे पावसाळयात धोकादायक वृक्ष उन्मळून पडण्याच्या घटना टाळण्यासाठी महापालिका तर्फे झाडांच्या वाढलेल्या फांद्याची छाटणी करण्याचे काम हाती घ्ोतले जाते. तर खाजगी सोसायट्यांना देखील झाडांची छाटणी करण्याच्या सूचना केल्या जातात. त्यानुसार सद्या नवी मुंबई शहरात सर्वत्र वाढलेल्या झाडांच्या फांद्या छाटण्यांचे काम वेगात सुरु आहे. परंतु, काही ठिकाणी झाडांच्या फांद्या छाटणी बाबत असलेल्या सूचनांचे पालन न करता परवानगीचा गैरफायदा घ्ोतला जात आहे. मागील महिन्यात वाशी मधील ज्ञानकलश उद्यानात महापालिकेच्या कंत्राटदाराने ३० ते ३५ झाडांची तर सानपाडा सेक्टर-४ मध्ये देखील अतिरिक्त फांद्या छाटणी केली होती. तोच कित्ता आता नवी मुंबई शहरात पुन्हा सुरु असून, नियमबाह्य पध्दतीने अतिरिक्त झाडांची छाटणी केल्याचे निदर्शनास आले आहे.
झाडांवरील भार कमी होऊन वादळात अथवा जोरदार पावसाळ्यात झाड कोसळणार नाही, यासाठी पावसाळ्यात झाडांची छाटणी करताना लोंबकळणाऱ्या फांद्या तोडणे अपेक्षित असते. तर सदर छाटणी उद्यान सहाय्यक यांच्या निगराणीखाली करणे क्रमप्राप्त आहे. तसेच झाडांचे शेंडे किंवा झाड बुंध्यापासून तोडणे म्हणजे एक प्रकारे झाड तोडण्यासारखेच आहे. झाडांचे शेंडे किंवा झाड बुंध्यापासून तोडणे प्रकरणी संबंधितांवर गुन्हा दाखल होऊ शकतो. मात्र, बऱ्याच वेळा वृक्ष छाटणी उद्यान सहायकांच्या उपोरोक्ष केली जात असल्याने काही सोसायटीमध्ये अतिरिक्त फांद्या छाटणी केल्याचत आहे. या साऱ्या प्रकाराकडे महापालिका उद्यान विभागाचे दुर्लक्ष होत असल्याने पर्यावरण प्रेमींनी नाराजी व्यक्त केली आहे.
