कर्तव्य सामाजिक संस्थेतर्फे पोलीसांना रेनकोटचे वाटप
नवी मुंबई.-: देशातील प्रत्येक नागरिक सुरक्षित राहावे. यासाठी पोलिस बंधू-भगिनी २४ तास कर्तव्य पार पाडत असतात. कोविड काळात देखील आपल्या परिवारापासून दूर राहून तसेच आपल्या जीवाची पर्वा न करता नागरिकांच्या रक्षणासाठी रस्त्यावर उभे होते. लवकरच पावसाळा सुरु होईल. पोलीस बंधू-भगिनींना आपत्कालीन परिस्थिती उद्भवली की २४ तास त्यांना पावसात काम करावे लागेल. म्हणून पोलीस बांधवांचे आभार व्यक्त करण्याच्या दृष्टीकोनातून त्यांना एक छोटीसी भेट म्हणून कर्तव्य सामाजिक संस्था, नवी मुंबई यांच्या वतीने तुर्भे एम.आय.डी. सी. पोलीस ठाणे येथील महिला पोलीस आणि पुरुष पोलीस कर्मचारी व अधिकारी यांना रेनकोट वाटप करण्यात आले आहे.
तुर्भे एमआयडीसी पोलीस ठाण्याचे वरिष्ठ पोलीस निरीक्षक राजेंद्र आव्हाड यांच्या मार्गदर्शनाखाली सहाय्यक पोलीस निरीक्षक वैभव ननावरे साहेब, सहाय्यक पोलीस निरीक्षक संग्राम सावळे, सहाय्यक पोलीस निरीक्षक प्रभाकर शिवुरकर साहेब, पोलीस कर्मचारी विष्णू बेंडकुळे साहेब, तसेच प्रमुख उपस्थिती युवा उद्योजक संतोष कानसे साहेब यांच्या शुभहस्ते रेनकोट वाटप करण्यात आले.
या प्रसंगी पोलीस अधिकारी व कर्मचारी तसेच कर्तव्य सामाजिक संस्थेचे अध्यक्ष सिद्धाराम शिलवंत, शिवसेना तुर्भे विभाग प्रमुख- महेश कोटीवाले व संस्थेचे सर्व सदस्य उपस्थित होते.
