म्हाडा निर्णयाच्या धर्तीवर सिडकोनेही घरांच्या किंमती कमी करण्याचा निर्णय घ्यावा
नाला तुंबल्याने उरण-करंजा रस्त्यावर पाणी
उरण : मान्सूनपुर्व नालेसफाईच्या कामासाठी ‘सिडको'ने लाखो रुपयांचा निधी उरण तालुक्यातील सिडको बाधित ग्रामपंचायत हद्दीत खर्च केला आहे. परंतु, सिडको आणि ठेकेदारांच्या साटेलोटे कारभारामुळे नालेसफाई ची कामे कागदावरच राबविण्यात आल्याने नाल्यातील घाणीचे पाणी रहिवाशांच्या रहदारीच्या रस्त्यावर वाहताना दिसल्याने रहिवाशांनी संताप व्यक्त केला आहे.
स्वच्छ-सुंदर शहराचे शिल्पकार अशी ओळख असणाऱ्या ‘सिडको'ला भ्रष्ट कारभाराची किड लागल्याने अनेक जनहिताची कामे अत्यंत नित्वृÀष्ट दर्जाची होत आहेत. त्यात काही कामे सिडको आणि ठेकेदारांच्या साटेलोटे कारभारामुळे कागदावरच होत असल्याने त्याचा त्रास नाहक रहिवाशांना सहन करावा लागत आहे. त्यात २०२४ या वर्षाच्या मान्सूनपूर्व नालेसफाईच्या कामासाठी ‘सिडको'ने लाखो रुपये उरण तालुक्यातील सिडको बाधित ग्रामपंचायत हद्दीत खर्च करुन राज्याचे मुख्यमंत्री एकनाथ शिंदे यांच्या दालनात नालेसफाईची कामे पूर्ण झाल्याचा डंका वाजवला होता. परंतु, यंदाच्या पावसाने यावर्षी ‘सिडको'च्या नालेसफाईच्या कामाची पोलखोल केल्याचे चित्र तालुक्यातील सिडको बाधित ग्रामपंचायत हद्दीत सर्रासपणेपहावयास मिळत आहे.
त्यातच प्रवाशांच्या दृष्टीने महत्वाचा असलेल्या उरण-करंजा या रहदारीच्या रस्त्यावर नाल्यातील (गटारातील) घाणीचे पाणी वाहत असल्याने प्रवाशी नागरिकांना घाणीच्या पाण्यातून मार्गक्रमण करावे लागत आहे. त्यामुळे ‘सिडको'ने नालेसफाईची कामे मार्गी लावण्यासाठी पुढाकार घ्यावा, अशी मागणी रहिवाशी करीत आहेत.
यासंदर्भात सिडको द्रोणागिरी नोड कार्यालयाचे अभियंता एम. एम. मुंडे यांना सिडको बाधित ग्रामपंचायत हद्दीतील नालेसफाईच्या कामासंदर्भात विचारणा केली असता त्यांनी बोलण्यास नकार दर्शविला. त्यामुळे मुख्यमंत्री एकनाथ शिंदे ‘सिडको'च्या भ्रष्ट कारभाराची चौकशी करणार की ‘सिडको'च्या भ्रष्ट अधिकाऱ्यांची पाठराखण करणार? असा सवाल जनमानसात व्यक्त केला जात आहे.
